17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар ин бора МД «Ҷаҳоннамо» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар Фестивали мазкур сафоратҳои муқими кишвари иқомат ва намояндагони воситаҳои ахбори оммаи маҳаллӣ ва хориҷӣ иштирок намуданд.
Дар ҳошияи ин чорабинӣ, таърихи ғании халқи тоҷик, фарҳанг, санъат, эҷодиёт, мусиқӣ, асбобҳои мусиқии халқӣ, таомҳои миллии тоҷикон, инчунин иқтидори сайёҳии Ҷумҳурии Тоҷикистон ба намо гузошта шуданд.
