Маркази барномаҳои байналмилалии Вазорати маориф ва илми Ҷумҳурии Тоҷикистон иттилоъ медиҳад, ки қабули ҳуҷҷатҳо ба муассисаҳои таҳсилоти олии касбии хориҷи кишвар тибқи Стипендияи байналмилалии Президенти Ҷумҳурии Тоҷикистон «Дурахшандагон» дар зинаҳои таҳсилотӣ: бакалавр, мутахассис, магистратура (ординатура), аспирантура ва докторантура то 20 июн идома меёбад.
Тавре Муассисаи давлатии «Маркази барномаҳои байналмилалӣ» хабар дод, аз довталабон ҳуҷҷатҳои зерин: ариза, анкетаи шакли муқарраршуда, нусхаи шиноснома, нусхаи нотариалӣ тасдиқшудаи шаҳодатномаи таваллуд, ҳуҷҷат дар бораи таҳсилот, аттестат ё маълумотнома (бо муҳр ва сурат) аз муассисаи таълимии таҳсилоти миёнаи умумӣ дар бораи хатмкунандаи синфи 11 будан, нусхаи диплом бо замимаҳояш (барои дарёфти зинаи таҳсилоти бакалавр, мутахассис, магистр, аспирант ва доктор), маълумотномаи тиббӣ 0,86 ё 0,38 ва ВИЧ/СПИД, маълумотномаҳо аз диспансерҳои наркологӣ ва психоневрологӣ, сертификати забонҳои хориҷӣ (TOEFL/IELTS, HSK ва ғайра (дар ҳолати мавҷуд будан), дастовардҳои довталаб (дипломи дараҷаи 1,2,3, сертификат, медал, ифтихорнома ва ғайра дар ҳолати мавҷуд будан), реферат аз рӯи мавзӯи интихобгардида (барои дарёфти зинаи аспирант ва доктор), мактуби тавсиявӣ (рекомендательное письмо), маълумотнома аз ҷои истиқомат, нусхаи шиносномаи падару модар, маълумотнома аз ҷои кори падару модар (дар ҳолати мувақатан бекор будани волидайн аз шуъбаи шуғли аҳолии ҷои истиқомат пешниҳод намудани маълумотнома), 4 дона расми ранга 3х4 ва маълумотномаи надоштани доғи судӣ талаб карда мешавад.
Хоҳишмандон метавонанд маълумоти муфассалро доир ба ихтисосоҳои пешниҳодгардида ба «Маркази барномаҳои байналмилалӣ», воқеъ дар суроғаи шаҳри Душанбе, кӯчаи Мирзо Турсунзода, 47 (рӯ ба рӯи Алиф Сармоя) муроҷиат намоянд.