8 июн мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Дабири кулли Муколамаи ҳамкории Осиё Порнчай Данвиватана баргузор гардид. Дар ин бора МД «Ҷаҳоннамо» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни вохӯрӣ тарафҳо дар иртибот ба аҳамияти Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 табодули афкор намуданд.
Ҳамчунин ҷонибҳо масоили ҷорӣ ва дурнамои рушди ҳамкорӣ дар доираи Муколама ва дигар мавзӯъҳои мавриди эҳтимоми тарафайнро баррасӣ намуданд.
Ёдовар мешавем, ки Дабири кулли Муколамаи ҳамкории Осиё Порнчай Данвиватана барои иштирок дар Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 дар Душанбе қарор дорад.
Акс: ВКХ ҶТ