-9.3 C
Tajikistan
Sunday, December 4, 2022

Ҳамкории судманд миёни федератсияҳои иттифоқҳои касабаи Тоҷикистон ва Узбекистон тақвият меёбад

 Ба китобхонаҳои мактабҳои таҳсилоти ҳамагонии ноҳияи Сухи Ҷумҳурии Узбекистон 1000 дона китобҳои тозанашри матбааҳои Вазорати маориф ва илми Ҷумҳурии Тоҷикистон, Вазорати фарҳанг ва туҳфаи Китобхонаи миллӣ аз ҷониби ҳайати Федератсияи иттифоқҳои касабаи мустақили Ҷумҳурии Тоҷикистон супорида шуд, хабар медиҳад АМИТ “Ховар” бо истинод ба ФИКМТ.

4-5 июн Раиси Федератсияи иттифоқҳои касабаи мустақили Тоҷикистон Маликшо Неъматзода бо даъвати Раиси Федератсияи иттифоқҳои касабаи Ҷумҳурии Узбекистон Қудраттулло Рафиқов бо сафари корӣ дар вилояти Фарғонаи кишвари ҳамсоя қарор дошт.

Дар доираи сафари корӣ ҳайати Тоҷикистон бо фаъолияти Шӯрои иттифоқҳои касабаи вилояти Фарғона аз наздик шинос шуда, аз бахшҳои ибтидоии иттифоқҳои касаба дар коргоҳҳо,  аз ҷумла марказҳои ҳунармандон дар ноҳияҳои Риштон ва Марғилон дидан намуданд.

Ҳамзамон дар доираи ин сафар Маликшо Неъматзода якҷоя бо Раиси Федератсияи иттифоқҳои касабаи Ҷумҳурии Узбекистон ба ноҳияи Сух, ки аҳолиаш аксаран тоҷикон мебошанд, сафар карда, дар маросими ифтитоҳи Истироҳатгоҳ барои кудакону наврасон, ки аз ҷониби Федератсияи иттифоқҳои касабаи Узбекистон сохта шудааст, иштирок намуд.

Ҳамчунин  дар варзишгоҳи ноҳияи Сух чорабинии фарҳангӣ — фароғатӣ бо иштироки ҳайати ҳукуматӣ, аъзои парлумон, олимон, шоирон, роҳбарияти иттифоқҳои касаба ва беш аз 15 ҳазор сокинони ноҳия  баргузор гардид.

Маликшо Неъматзода зикр намуд, ки «мояи ҳамбастагии ногусастании мардумони тоҷику узбек аз қарнҳои хеле қадим маншаъ мегирад ва пайваста таҳким меёбад. Сиёсати хирадмандонаи ду роҳбари оқилу дурандеш мусоидат кард, ки дар як муддати кутоҳ равобит  ба сатҳи хеле баланд расида, дар ҳама соҳаҳо ҳамкории  мутақобилан судманд густариши тоза пайдо намояд».

Номбурда аз сафари охирини Пешвои миллат ба Ҷумҳурии Узбекистон ёдовар шуда, гуфт, ки дар ҷараёни   он ҳуҷҷатҳои муҳими байнидавлатӣ ба имзо расида, доираҳои иқтисодию тиҷоратӣ шартномаҳоро  ба маблағи як миллиард доллар ба мувофиқа расониданд.

Бахши фарҳангии чорабинӣ хотири иштирокдоронро боз ҳам болидатар гардонид.

Ёдовар мешавем,  ки дар ноҳияи Сухи Ҷумҳурии Узбекистон 80 ҳазор нафар аҳолӣ зиндагӣ мекунад. Тоҷикон аксарияти кулли аҳолӣ – 99,2 фоизро ташкил медиҳанд. Дар ноҳия 35 мактаб пурра бо забони тоҷикӣ амал мекунанд, хатмкунандагони ин дабистонҳо барои идомаи таҳсил ба донишкадаю донишгоҳҳои Тоҷикистон дохил мешаванд.

Акс: ФИКМТ

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....