Бо мақсади сари вақт ва бо сифати баланд иҷро намудани дастуру супоришҳои Асосгузори сулҳу ваҳдатӣ миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 3 июн вохӯрии маҷозии Сафири Ҷумҳурии Тоҷикистон дар Туркия Ашрафҷон Гулов бо як зумра раисони ноҳияҳои вилояти Хатлон доир гардид.
Дар мулоқоти онлайнӣ муовини Раиси вилояти Хатлон Файзуллозода Заробиддин, раиси ноҳияи Балҷувон Бахтиёр Сафарзода, раиси ноҳияи Данғара Исломиддин Раҳмон, раиси ноҳияи Фархор Зариф Назирӣ, кормандони Вазорати корҳои хориҷӣ ва Мақомоти иҷроияи ҳокимияти давлатии вилояти Хатлон иштирок намуданд.
Зимни вохӯрӣ иқдомҳои муштараки сафорат ва мақомот вобаста ба беҳтар намудани сатҳу сифати ҳамоҳангсозии раванди ҷалби сармояи хориҷӣ ба ноҳияҳои болозикр, инчунин таъмини ҳамоҳангсозии корбариҳо ва мониторинги иҷрои ҳадафҳои гузошташуда мавриди баррасӣ қарор гирифтанд.
Акс: Сафорати Тоҷикистон дар Анқара