-13.2 C
Tajikistan
Wednesday, November 30, 2022

Сарони давлатҳои Тоҷикистон ва Узбекистон Эмомалӣ Раҳмон ва Шавкат Мирзиёев аз ҶДММ фабрикаи қолинбофии «Хива Гилам Комбинатӣ» боздид намуданд

3 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ дар Ҷумҳурии Узбекистон бо Президенти Ҷумҳурии Узбекистон муҳтарам Шавкат Мирзиёев аз Фабрикаи қолинбофии Ҷамъияти дорои масъулияти маҳдуди қолинбофии «Хива Гилам Комбинатӣ» боздид намуданд.

Нахуст Президенти мамлакат муҳтарам Эмомалӣ Раҳмон бо фаъолияти хатҳои истеҳсолии корхона шинос шуданд.

Иттилоъ дода шуд, ки Ҷамъияти дорои масъулияти маҳдуди қолинбофии “Хива Гилам Комбинатӣ” аз соли 1977 таъсис ёфтааст. Корхона тӯли 45 сол фаъолияти пурсамар дошта, бо истеҳсоли қолинҳои гуногунҳаҷму гуногуншакл дар бозори дохил ва хориҷ мавқеи хос дорад.

Ҷамъияти дорои масъулияти маҳдуди қолинбофии «Хива Гилам Комбинатӣ», ки калонтарин корхонаи саноатии Узбекистон аст, қолинҳои гуногун ва калоба истеҳсол мекунад ва соли 1977 таъсис дода шудааст.

Майдони умумии корхона 11,8 гектар ва масоҳати зери сохтмони иншооти истеҳсолӣ 4,7 гектарро ташкил медиҳад.

Айни ҳол дар корхонаи қолинбарорӣ 250 нафар бо кор таъминанд.

Иқтидори солонаи корхона истеҳсоли 2,2 миллион метри мураббаъ қолин мебошад.

Дар сехи бофандагӣ роҳбарони ду давлат бо таҷҳизоти истеҳсолот шинос шуданд.

Иттилоъ дода шуд, ки соли 2002 корхонаи муштараки Узбекистону Олмон барои истеҳсоли қолинҳои пашмин, ки дар бозорҳои хориҷӣ серталаб аст, бо насби 30 дастгоҳи нави бофандагӣ ба фаъолият оғоз кард.

Корхона бо дастгоҳҳои муосири ресандагӣ (PPM240) ва дастгоҳҳои шонабандӣ (ACH214) муҷаҳҳаз буда, истеҳсоли риштаи нимпашминро бо иқтидори пурраи истеҳсоли қолин ба роҳ мондааст.

Маҳсулоти тайёри корхонаи Ҷамъияти саҳомии қолинбофии «Хива» ба Русия, Олмон ва дигар кишварҳо содирот карда мешавад.

Иттилоъ дода шуд, ки иқтидори содиротии корхона дар як сол 5 миллион доллари америкоиро ташкил медиҳад.

Баъди шиносоӣ бо фаъолияти корхона ва суҳбат бо коргарону мутахассисони фабрикаи қолинбофӣ Сарони давлатҳо — Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиëев ба фаъолияти корхона баҳои баланд дода, васеъ намудани ҳамкорӣ бо кишварҳои хориҷӣ, аз ҷумла боз ҳам густурда намудани ҳамкориро дар самти содироту воридоти маҳсулот миёни Тоҷикистон ва Узбекистон муҳим шумориданд.

Latest news

Имрӯз маҷлиси Ҳукумати Ҷумҳурии Тоҷикистон баргузор шуд

29 ноябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати...

Вакили Парлумони Тоҷикистон дар ҷаласаи нақшавии комиссияҳои доимии Ассамблеяи Байнипарлумонии СААД иштирок намуд

Имрӯз вакили Маҷлиси намояндагони Маҷлиси Олии Ҷумҳурии Тоҷикистон Зайнудин Сафарзода дар ҷаласаи нақшавии комиссияҳои доимии Ассамблеяи Байнипарлумонии Созмони Аҳдномаи амнияти дастҷамъӣ (АБ...

Тоҷикистон ва Иттиҳоди Аврупо масоили марбут ба вазъи амниятӣ дар Афғонистонро баррасӣ намуданд

28 ноябр Вазири корҳои хориҷии Ҷумҳурии Тоҷикистон Сироҷиддин Муҳриддин намояндаи вижаи Иттиҳоди Аврупо оид ба Афғонистон Томас Никлассонро ба ҳузур пазируфт.

Ашрафҷон Гулов дар ҷаласаи 38-уми Кумитаи доимамалкунанда оид ба ҳамкории исломӣ ва тиҷоратии СҲИ иштирок намуд

 28 ноябр  Сафири Ҷумҳурии Тоҷикистон дар Ҷумҳурии Туркия Ашрафҷон Гулов дар 38-умин ҷаласаи Кумитаи доимамалкунанда оид ба ҳамкории иқтисодӣ ва тиҷоратии Созмони...

Related news

Имрӯз маҷлиси Ҳукумати Ҷумҳурии Тоҷикистон баргузор шуд

29 ноябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати...

Вакили Парлумони Тоҷикистон дар ҷаласаи нақшавии комиссияҳои доимии Ассамблеяи Байнипарлумонии СААД иштирок намуд

Имрӯз вакили Маҷлиси намояндагони Маҷлиси Олии Ҷумҳурии Тоҷикистон Зайнудин Сафарзода дар ҷаласаи нақшавии комиссияҳои доимии Ассамблеяи Байнипарлумонии Созмони Аҳдномаи амнияти дастҷамъӣ (АБ...

Тоҷикистон ва Иттиҳоди Аврупо масоили марбут ба вазъи амниятӣ дар Афғонистонро баррасӣ намуданд

28 ноябр Вазири корҳои хориҷии Ҷумҳурии Тоҷикистон Сироҷиддин Муҳриддин намояндаи вижаи Иттиҳоди Аврупо оид ба Афғонистон Томас Никлассонро ба ҳузур пазируфт.

Ашрафҷон Гулов дар ҷаласаи 38-уми Кумитаи доимамалкунанда оид ба ҳамкории исломӣ ва тиҷоратии СҲИ иштирок намуд

 28 ноябр  Сафири Ҷумҳурии Тоҷикистон дар Ҷумҳурии Туркия Ашрафҷон Гулов дар 38-умин ҷаласаи Кумитаи доимамалкунанда оид ба ҳамкории иқтисодӣ ва тиҷоратии Созмони...