-9.3 C
Tajikistan
Sunday, December 4, 2022

Дар Душанбе ҷаласаи навбатии Шӯрои ҷамъиятиву машваратӣ доир ба фаъолияти гумрукӣ доир гардид

Дар Душанбе ҷаласаи навбатии Шӯрои ҷамъиятиву машваратӣ доир ба фаъолияти гумрукӣ дар назди Хадамоти гумрук доир гардид, ки дар кори он намояндагони мақомоти давлатӣ, аҳли тиҷорат, масъулини воҳидҳои сохтории Хадамоти гумрук, мутахассисони Барномаи ҳамкории идоракунии сарҳадот дар Осиёи Марказӣ (БОМКА 10) иштирок намуданд.

Дар ҷаласа масъалаҳои вобаста ба таърихи Шӯрои ҷамъиятиву машваратӣ доир ба фаъолияти гумрукии Хадамоти гумрук, шаклҳои умумии ҳамкории мақомоти гумрук ва ассотсиатсияҳои тиҷоратӣ ва намояндагони доираҳои соҳибкорӣ дар мисоли Латвия ва дигар кишварҳо, тартиби пешбурди Реестри гумрукии объектҳои моликияти зеҳнӣ ва дигар масъалаҳо баррасӣ шуданд.

Муовини якуми сардори Хадамоти гумруки назди Ҳукумати ҷумҳурӣ Азим Турсунзода оид ба натиҷаҳои назаррасе, ки зимни  фаъолияти пурсамар тайи солҳои охир Хадамоти гумрук ба онҳо ноил гардидааст, маълумот дод.

Зикр шуд, ки Шӯрои ҷамъиятию машваратӣ доир ба фаъолияти гумрукӣ дар назди Хадамоти гумрук бо мақсади татбиқи банди 14-и моддаи 467 Кодекси гумруки Ҷумҳурии Тоҷикистон таъсис дода шуда, ҳадафаш ҳамчун мақоми ҷамъиятию машваратӣ мусоидат намудан дар асоси ҳамкории мутақобилаи мақомоти гумрук бо аҳли тиҷорат ва саноат дар таҳия ва татбиқи сиёсати гумрукии кишвар бо мақсади таъмини ҳифзи манфиатҳои иқтисодии мамлакат ва ташкили шароити муносиб барои фаъолияти соҳибкорӣ, такмили сохтори амалиёти содиротию воридотӣ ва ҷалби сармояи хориҷӣ мебошад.

Ба ҳайати Шӯро намояндагони Хадамоти гумрук ва дигар мақомоти ҳокимияти иҷроия, аҳли тиҷорат ва саноат шомил мебошанд. Дар ҷаласа инчунин директори генералии Хадамоти даромадҳои давлатии Латвия Раймондс Зукулс ва сардори шуъбаи методикаи барасмиятдарории гумрукии Раёсати гумруки Хадамоти даромадҳои давлатии Латвия Ирена Кнока бо истифода аз рӯнамо доир ба таҳлили қонунгузории Латвия, тартиби таъсиси Шӯрои ҷамъиятию машваратӣ, принсипҳо, ҳуқуқу уҳдадориҳо, тартиби аъзо шудан ва баромадан аз Шӯро ва дигар масъалаҳои муҳими Шӯрои ҷамъиятиву машваратӣ дар Латвия сухан намуданд. Инчунин доир ба «Тартиби пешбурди Реестри гумрукии объектҳои моликияти зеҳнӣ» сардори шуъбаи Раёсати ташкили назорати гумрукӣ Замира Маҳкамова сухан гуфт.

Дар анҷоми ҷаласа Азим Турсунзода зикр намуд, ки ҳамкорӣ  минбаъд низ бо мақомоти иҷроия ва аҳли тиҷорат, махсусан Барномаи ҳамкории идоракунии сарҳадот дар Осиёи Марказӣ (БОМКА)  хубтар ба роҳ монда, таҷрибаи кишварҳои пешрафта дар фаъолияти минбаъдаи Шӯро истифода бурда шавад.

АКС: Хадамоти гумруки назди Ҳукумати Ҷумҳурии Тоҷикистон

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....