-2.9 C
Tajikistan
Thursday, March 30, 2023

Маҳмадтоир Зокирзода ва Соҳиба Ғаффорова таҳкими минбаъдаи ҳамкории Тоҷикистон ва Озарбойҷонро муҳокима намуданд

Озарбойҷон дар стратегияи сиёсати хориҷии Тоҷикистон яке аз ҷойҳои муҳимро ишғол мекунад ва мо ба рушду таҳкими минбаъдаи ҳамкории Тоҷикистон ва Озарбойҷон манфиатдорем. Ин нуктаро Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода зимни мулоқот бо Раиси Миллӣ Маҷлиси Ҷумҳурии Озарбойҷон Соҳиба Ғаффорова иброз намуд.

Мавсуф афзуд, ки “ба давлатҳои мо муяссар гардид, ки дар давраи истиқлол, тӯли 30 соли барқарории муносибатҳои дипломатӣ (29 майи соли 1992) низоми қавӣ ва ҳамаҷонибаи шарикии дуҷонибаро дар асоси ошкорбаёнӣ, эътимод ва ҳамкории баробарҳуқуқ бунёд намоем. Ба шарофати иродаи устувори сиёсӣ ва муносибатҳои бародаронаи Сарони ду давлат- Эмомалӣ Раҳмон ва Илҳом Алиев барои рушди ҳамкории мутақобила заминаи мустаҳками шартномавию ҳуқуқӣ ба вуҷуд омадааст.

Мехоҳам аҳамияти сафари расмии Президенти Ҷумҳурии Тоҷикистон Эмомалӣ Раҳмон ба Ҷумҳурии Озарбойҷонро дар моҳи августи соли 2018, ки зимни он оид ба идомаи фаъолият ҷиҳати таҳкими заминаи ҳуқуқии ҳамкории дуҷониба тавофуқ ҳосил шуда буд, таъкид намоям. Ҳуҷҷатҳое, ки дар ҷараёни сафари расмии Президенти мо ба кишвари Шумо ба имзо расидаанд, тамоми самтҳои асосии ҳамкорӣ, табодули афкори созанда ва манфиатдор оид ба доираи васеи масъалаҳои дуҷониба, минтақавӣ ва байналмилалии байни давлатҳои моро фаро мегиранд. Дар ҷараёни ин сафар 12 санади нав ба имзо расид, ки барои гузаштан ба шарикии бисёрҷанбаи ду кишвар ба сатҳи баланди ҳамкории мутақобилан судманд мусоидат карданд”.

Дар айни замон заминаи ҳуқуқии Тоҷикистон ва Озарбойҷон 59 созишнома ва аҳдномаро дар бар мегирад, ки бар заминаи Аҳдномаи дӯстӣ ва ҳамкорӣ миёни Ҷумҳурии Тоҷикистон ва Ҷумҳурии Озарбойҷон асос ёфтааст.

Зикр шуд, ки омили рушди минбаъдаи муносибатҳои тиҷоратию  иқтисодии ҳарду давлат иҷрои ҳадафҳое мебошад, ки дар доираи созишномаҳои дар доираи Комиссия ба даст оварда ва татбиқи санадҳои байнидавлатӣ ба имзо расидаанд. Намунаи ин гуна ҳамкории судманд-ин бо ташаббуси Сафорати Тоҷикистон дар Озарбойҷон ва бо дастгирии соҳибкорони озарӣ 30 апрели соли 2020 таъсис додани «Хонаи тиҷоратии «Тоҷикистон» дар шаҳри Боку мебошад.

“Гурӯҳи байнипарлумонии дӯстӣ ва ҳамкорӣ бо Миллӣ Маҷлиси  Ҷумҳурии Озарбойҷон фавран пас аз таъсиси Парлумони нави касбии Ҷумҳурии Тоҷикистон таъсис ёфт. Имсол ин дуюмин сафари ҳайати парлумонии мо дар сатҳи олӣ мебошад”,-гуфт дар интиҳо Маҳмадтоир Зокирзода.

Дар мулоқот ҳамчунин масоили вобаста ба рушди муносиботи дӯстию ҳамсоягии накӯ ва ҳамкории судбахш баррасӣ шуд.

Акс: МН МО ҶТ

Latest news

Гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ сафар намуд

Дирӯз гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ, ки дар...

Бо дастури Президенти Тоҷикистон барои бартарафсозии оқибатҳои заминларза Комиссияи ҷумҳуриявӣ таъсис дода шуд

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти роҳбарии Сарвазири мамлакат Қоҳир Расулзода Комиссияи...

Дар қаламрави Тоҷикистон заминларза ба амал омад

Имрӯз, 23 март, соати 01:07 ба вақти маҳаллӣ дар қаламрави Ҷумҳурии Тоҷикистон заминларза ба қайд гирифта шуд. Дар ин хусус АМИТ «Ховар»...

Суханронии Президенти Ҷумҳурии Тоҷикистон Эмомалӣ Раҳмон дар чорабинии канории «Харитаи роҳ барои соли 2025: Соли байналмилалии ҳифзи пиряхҳо»

22.03.2023, Иёлоти Муттаҳидаи Амрико Муҳтарам Дабири Кулли Созмони Милали Муттаҳид,Муҳтарам иштирокдорони чорабинӣ,Хонумҳо ва ҷанобон, Пеш...

Related news

Гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ сафар намуд

Дирӯз гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ, ки дар...

Бо дастури Президенти Тоҷикистон барои бартарафсозии оқибатҳои заминларза Комиссияи ҷумҳуриявӣ таъсис дода шуд

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти роҳбарии Сарвазири мамлакат Қоҳир Расулзода Комиссияи...

Дар қаламрави Тоҷикистон заминларза ба амал омад

Имрӯз, 23 март, соати 01:07 ба вақти маҳаллӣ дар қаламрави Ҷумҳурии Тоҷикистон заминларза ба қайд гирифта шуд. Дар ин хусус АМИТ «Ховар»...

Суханронии Президенти Ҷумҳурии Тоҷикистон Эмомалӣ Раҳмон дар чорабинии канории «Харитаи роҳ барои соли 2025: Соли байналмилалии ҳифзи пиряхҳо»

22.03.2023, Иёлоти Муттаҳидаи Амрико Муҳтарам Дабири Кулли Созмони Милали Муттаҳид,Муҳтарам иштирокдорони чорабинӣ,Хонумҳо ва ҷанобон, Пеш...