16 май Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода бо роҳбари Барномаи шуъбаи мубориза бар зидди маводи нашъаовар ва ҳифзи тартиботи ҳуқуқӣ (INL) дар Вашингтон Тереза Грентхем вохӯрӣ баргузор намуд. Дар ин бора ба МД «Ҷаҳоннамо» дар Агентии назорати маводи нашъаовари назди Президенти Ҷумҳурии Тоҷикистон хабар доданд.
Дар вохӯрӣ ҷонибҳо дар бораи самтҳои фаъолияти Агентӣ ва вазъи маводи нашъаовар дар Тоҷикистон, инчунин оид ба ҳамкории судманди дуҷониба дар самти мубориза, назорат ва пешгирии нашъамандӣ ибрози назар намуданд.
Дар анҷоми мулоқот Тереза Грентхем оид ба ҳамкории минбаъдаи мутақобилан судманди Агентӣ ва Барномаи INL сухан гуфта, аз сатҳи ҳамкории дуҷониба изҳори қаноатмандӣ кард.
АКС: Агентии назорати маводи нашъаовари назди Президенти ҶТ