-11.6 C
Tajikistan
Sunday, January 29, 2023

Дар Душанбе Форуми сармоягузорони Тоҷикистон ва Русия доир мегардад

 28 апрели соли равон дар Душанбе  Форуми сармоягузорони  Тоҷикистон  ва  Русия баргузор мешавад. Дар ин бора Сафири Тоҷикистон дар Русия Давлатшоҳ Гулмаҳмадзода зимни  мулоқот  бо  Раиси палатаи савдо ва саноати шаҳри Санкт-Петербурги Русия Владимир Катенев изҳор намуд, хабар доданд ба МД «Ҷаҳоннамо» дар Сафорати Тоҷикистон дар Русия.

Гуфта мешавад, ки дар ин мулоқот масоили дурнамои рушди ҳамкории тиҷоратию иқтисодӣ ва сармоягузорӣ, тавсеаи гардиши молу маҳсулот миёни минтақаҳои Тоҷикистон ва шаҳри Санкт-Петербург мавриди баррасӣ қарор гирифт.

Мавриди зикр аст, ки  дар соли 2021ҳаҷми гардиши мол миёни Тоҷикистон ва Русия ҳудуди 1,3 миллиард долларро убур кард,  ки ин нишондод дар 10 соли охир рекордӣ мебошад. Дар баробари ин соҳибкорони ҷумҳурӣ ба Русия маҳсулот фиристоданд, ки арзиши он 72,5 миллион сомониро ташкил дода буд.

Ба гуфтаи Евгений Коренков, Намояндаи тиҷоратии Русия дар Тоҷикистон, содироти коло ба таври рекордӣ — 77 дарсад афзоиш ёфта, мизони он аз ҳаҷми замони қабл аз пандемияи коронавирус ҳам бештар гаштааст.

Дар баробари ин дар Русия меваю сабзавот ва дигар маҳсулоти озуқаворӣ, инчунин ашёи хоми Тоҷикистон бештар маъмул гаштааст. Содироти ин навъи молу маҳсулот аз Тоҷикистон дар давоми сол 2,3 баробар афзуда, қариб 18 фоизи содиротро ташкил додааст.

Қаблан Вазорати рушди иқтисод ва савдои Тоҷикистон  хабар дода  буд, ки дар ду моҳи аввали соли 2022 гардиши мол бо ИДМ қариб 50 дарсад афзоиш ёфтааст.

Хотиррасон мешавем, ки аз 12 то 15 апрели соли равон Сафири Тоҷикистон Давлатшоҳ Гулмаҳмадзода бо сафари корӣ дар шаҳри Санкт-Петербурги Русия қарор дошт.

                                               АКС: Сафорати ҶТ дар ФР

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...