2.2 C
Tajikistan
Monday, June 5, 2023

Сарвари давлат Эмомалӣ Раҳмон дар шаҳри Исфара аз ҶСК «Тамохуш» боздид намуданд

Имрӯз сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Исфара идома ёфт.

Дар рӯзи чоруми сафар Сарвари давлат муҳтарам Эмомалӣ Раҳмон дар Ҷамъияти саҳомии кушодаи “Тамохуш”-и шаҳри Исфара бо ҷараёни корҳои мутобиқгардонии техникии қисми иншооту коргоҳҳои корхона шинос шуданд.

Тибқи нақша дар заминаи коргоҳҳои механикии корхонаи мазкур ва таъмиру сохтмонӣ иншооти нави самти таъмирӣ-механикӣ таъсис дода, дар он таъмири техникаҳои кишоварзӣ ба роҳ монда мешавад. Дар коргоҳи нав 15 ҷойи корӣ таъсис ёфтааст. Корҳои иҷрошуда аз тадбирҳои муҳим дар самти истифодаи иқтидорҳои мавҷуда маҳсуб меёбад.

Ҷамъияти саҳомии кушодаи “Тамохуш”-и шаҳри Исфара аз иқтидорҳои калони коркарди ашёи хоми конҳои канданиҳои фоиданок ва истеҳсоли маҳсулоти кимиёвӣ буда, давоми беш аз 70 сол инҷониб ба истеҳсоли металҳои камёфт ва нодир махсус гардонида шудааст. Чунин корхона дар собиқ Иттиҳоди Шӯравӣ камшумор, танҳо ду адад буд. Тайи солҳои тӯлонӣ иқтидорҳои корхона пурра истифода карда намешуданд.

Тибқи маълумот масоҳати корхона 23 гектар буда, айни ҳол 100 нафар коргарону мутахассисон фаъолият доранд. Дар корхонаи “Тамохуш”-и шаҳри Исфара аз соли 2021 оғоз карда, дар натиҷаи азнавсозии техникӣ, ҷорӣ намудани усулу технологияҳои пешрафта иқтидорҳои мавҷуда истифода карда, ҳаҷми истеҳсол афзун ва суръати афзоиш баланд бардошта мешавад.

Корхона дар семоҳаи аввали соли равон ба маблағи 3,1 миллион сомонӣ маҳсулот истеҳсол намудааст, ки нисбат ба ҳамин давраи соли 2021 — 3 миллион сомонӣ зиёд мебошад. Суръати афзоиши истеҳсоли маҳсулот ба маротиб зиёд карда шудааст.

Президенти мамлакат муҳтарам Эмомалӣ Раҳмон зимни суҳбат ба роҳбарияти корхона, масъулони соҳа ва мутахассисон дастуру супоришҳои мушаххас доданд, ки баҳри истифодаи пурраи иқтидорҳои мавҷуда, баланд бардоштани нишондиҳандаҳои истеҳсолӣ-техникӣ, барқарору зиёд кардани ҷойҳои нави корӣ чораҷӯӣ намуда, тадбирҳои навро амалӣ намоянд.

Барқарор намудани самти фаъолият бахри афзун намудани маҷмӯӣ маҳсулоти саноатӣ равона карда мешаванд.

Бо дастгирии Ҳукумати Ҷумҳурии Тоҷикистон корхона ҳамкориро бо ширкати “Евраз-Холдинг” ва ҷамъияти саҳомии кушодаи “Корхонаи металлургии Олмалиқ”-и Ҷумҳурии Узбекистон барои харидорӣ ва коркарди маъдани дорои металл ва шлакҳои металлургӣ ба роҳ мондааст.

Дар асоси шартномаи ҳамкорӣ бо Ҷамъияти саҳомии кушодаи “Корхонаи металлургии Олмалиқ”-и Ҷумҳурии Узбекистон коркарди саноатӣ-тадқиқотии маъдани кӯҳии дорои сурб имкон медиҳад, ки дар корхона 5 намуди маҳсулоти нави металӣ истеҳсол карда шавад.

Маҳсулоти истеҳсолшаванда ба содирот нигаронида шуда, металлҳои истеҳсолшуда дар “Ширкати куҳӣ-саноатии Тоҷикистону Чин” ва Ҷамъияти дорои масъулияти маҳдуди “Анзоб” барои бойгардонии консентрати сурма истифода мегарданд. Хокаи купороси мис ва купороси руҳ қаблан аз хориҷи кишвар ворид карда мешуданд ва маҳсулоти ивазкунандаи воридот маҳсуб меёбанд.

Дар асоси шартномаи коркард бо ширкати “Евраз холдинг” аз шлаки металургӣ махсулоти панҷоксиди ванадий истеҳсол карда мешавад. Партови истеҳсолии панҷоксиди ванадий, ки дар таркиби худ металли оксиди оҳан дорад, дар корхонаҳои истеҳсоли семент пурра истифода мегарданд ва дар дохили кишвар ба ин маҳсулот талабот зиёд аст. Яъне, дар корхона истеҳсолоти бепартов ба роҳ монда мешавад. Нақшаҳои корхона барои рушди оянда таҳрезӣ гардидаанд.

Дар натиҷаи чунин тадбирҳои истифодаи иқтидорҳои мавҷуда ҳаҷми истеҳсоли маҳсулот дар Ҷамъияти саҳомии кушодаи “Тамохуш”-и шаҳри Исфара афзун карда мешавад, ки ин манфиати калон ба иқтисоди миллӣ мебошад.

Latest news

НОСОЗГОРИИ ИҚТИСОДИ ҶАҲОН ВА ТАЪМИНИ АМНИЯТИ ИҚТИСОДӢ. Андеша ва пешниҳодҳои коршинос вобаста ба ин мавзуъ

 Вазъи кунунии ҷаҳони имрӯз ба раванди иқтисодиёти ҷаҳон таъсири худро бевосита мерасонад, ки рӯз то рӯз ба бархӯрдҳои геосиёсӣ, низоъҳои тиҷоратӣ ва...

Корҳои сохтмонӣ дар қитъаи роҳи Қалъаихумб-Ванҷ то даромадгоҳи Рӯшон бо суръат идома дорад

Бо супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон аз моҳи сентябри соли 2022 корҳои таҷдиду навсозии роҳи мошингарди...

Дар вилояти Суғд дар майдони зиёда аз 152,6 гектар кишти зироати баҳорӣ гузаронида шуд

Дар вилояти Суғд нақшаи кишти зироати баҳорӣ 174 735 гектарро ташкил дода, то имрӯз дар майдони 152 645 гектар зироат кишт  шудааст....

Президенти Ҷумҳурии Тоҷикистон Эмомалӣ Раҳмон дар шаҳри Москва аз Паради низомӣ бахшида ба 78-умин солгарди Рӯзи Ғалаба боздид намуданд

 9 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз чорабиниҳои тантанавӣ бахшида ба ҷашни 78-солагии...

Related news

НОСОЗГОРИИ ИҚТИСОДИ ҶАҲОН ВА ТАЪМИНИ АМНИЯТИ ИҚТИСОДӢ. Андеша ва пешниҳодҳои коршинос вобаста ба ин мавзуъ

 Вазъи кунунии ҷаҳони имрӯз ба раванди иқтисодиёти ҷаҳон таъсири худро бевосита мерасонад, ки рӯз то рӯз ба бархӯрдҳои геосиёсӣ, низоъҳои тиҷоратӣ ва...

Корҳои сохтмонӣ дар қитъаи роҳи Қалъаихумб-Ванҷ то даромадгоҳи Рӯшон бо суръат идома дорад

Бо супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон аз моҳи сентябри соли 2022 корҳои таҷдиду навсозии роҳи мошингарди...

Дар вилояти Суғд дар майдони зиёда аз 152,6 гектар кишти зироати баҳорӣ гузаронида шуд

Дар вилояти Суғд нақшаи кишти зироати баҳорӣ 174 735 гектарро ташкил дода, то имрӯз дар майдони 152 645 гектар зироат кишт  шудааст....

Президенти Ҷумҳурии Тоҷикистон Эмомалӣ Раҳмон дар шаҳри Москва аз Паради низомӣ бахшида ба 78-умин солгарди Рӯзи Ғалаба боздид намуданд

 9 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз чорабиниҳои тантанавӣ бахшида ба ҷашни 78-солагии...