Вохӯрии Сафири Ҷумҳурии Тоҷикистон дар Анқара Ашрафҷон Гулов бо Вазири адлияи Ҷумҳурии Туркия Бекир Боздағ 7 апрел доир гардид. Дар ин бора МД «Ҷаҳоннамо» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот ҷонибҳо доир ба масъалаҳои мавриди таваҷҷуҳи тарафайн мубодилаи афкор намуданд.
Ёдовар мешавем, ки муносибатҳои дипломатӣ байни Ҷумҳурии Тоҷикистон ва Ҷумҳурии Туркия 29 январи соли 1992 барқарор шуданд, ки имсол ба он 30 сол пур шуд.
Сафорати Ҷумҳурии Туркия моҳи марти соли 1992 дар Душанбе ба фаъолият шурӯъ кард.
Сафорати Ҷумҳурии Тоҷикистон моҳи декабри соли 1995 дар Анқара ифтитоҳ гардид.
Консулгарии генералии Ҷумҳурии Тоҷикистон дар Истанбул соли 2011 ба кор шурӯъ намуд.
АКС: ВКХ Тоҷикистон