6 апрел вохӯрии Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Маҳмадшариф Ҳақдод бо муовини Вазири корҳои хориҷии Ҷумҳурии Беларус Игор Назарук баргузор гардид. Дар ин бора ба МД «Ҷаҳоннамо» дар Вазорати корҳои хориҷии Тоҷикистон хабар доданд.
Зимни суҳбат ҳолати кунунӣ ва дурнамои муносибатҳои Тоҷикистон ва Беларус мавриди муҳокима қарор дода шуд.
Ҷонибҳо вобаста ба баргузории ҷаласаи 15-уми Комиссияи байниҳукуматӣ оид ба ҳамкории тиҷоратӣ-иқтисодӣ ва дигар масъалаҳои дуҷониба мубодилаи афкор намуданд.
Ёдовар мешавем, ки Комиссияи 14-уми байниҳукуматӣ оид ба ҳамкории тиҷоратӣ-иқтисодӣ 5 апрел дар Душанбе баргузор гардида буд.
Дар ҷаласа ҳамкорӣ дар самти рушди иқтисод, тиҷорат, маориф ва илм, тандурустӣ, сайёҳӣ ва дигар самтҳои муҳими байниҳукуматӣ мавриди баррасӣ қарор гирифта, аз ҳарду ҷониб ҳавасмандӣ изҳор гардида буд.
АКС аз ВКХ ҶТ