0 C
Tajikistan
Friday, October 7, 2022

Дар Шуғнон дар баландии тақрибан 3600 метр аз гармхонаи инноватсионӣ ҳосили нави бодиринг гирифта шуд

Дар деҳаи Ҷелондеҳи ноҳияи Шуғнони Вилояти Мухтори Кӯҳистони Бадахашон аз гармхонаи инноватсионии Донишгоҳи давлатии Хоруғ (ДДХ), ки соли гузашта бунёд шуда буд, ҳосили нави сабзавоти бодиринг гирифта шуд, хабар медиҳад МД «Ҷаҳоннамо» бо истинод ба ин муассиса.

Чанде қабл муовини ректор оид ба молия ва рушди иқтисоди ДДХ Буорик Бахтиёров ва омӯзгори факултети биологияи донишгоҳ Асрор Симоилбеков ба деҳаи Ҷелондеҳи ноҳияи Шуғнони ВМКБ сафари корӣ анҷом дода, аз гармхонаи инноватсионии донишгоҳи мазкур, ки соли гузашта бунёд шуда буд, ҳосили нави сабзавоти бодиринг гирифтанд.

Бояд гуфт, ки гармхонаи Ҷелондеҳи ДДХ бо тамоми шароиту имконияти муосир дар баландии тақрибан 3600 метр аз сатҳи баҳр сохта шууда, барои парвариши намудҳои гуногуни сабзавот мусоид мебошад. Феълан дар гармхонаи инноватсионӣ намудҳои гуногуни бодирингу помидор ва дигар сабзаҷот мавҷуд буда, баҳрабардорӣ аз гармхона дар сатҳи баланд ба роҳ монда шудааст.

Баҳри дар сатҳи меъёрӣ фаъолият намудани гармхона, ки дар доираи Барномаи грантии «Рушди маълумоти олӣ дар Тоҷикистон» ва лоиҳаи «Ҷорӣ намудани инноватсия дар системаи хизматрасонии таълимии Донишгоҳи давлатии Хоруғ дар асоси талаботи муосири бозори меҳнат» рӯи кор омад, на танҳо ёрии илмӣ – методии устодон, балки кумаки амалии онҳо барои ба кор андохтани гармхона равона шуд.


Ҳадафи дигари барнома — ин ташкили бошишгоҳи экологӣ дар деҳаи Ҷелондеҳ ва самаранок ба роҳ мондани фаъолияти он мебошад. Иншооти мазкур дар шафати гармхона сохта шуда, на фақат донишҷӯёну магистрантон ва кормандони илмии ДДХ, балки донишгоҳу пажӯҳишгоҳҳои дигари ҷумҳурӣ низ метавонанд зимни таҷрибаомӯзии таълимиву саҳроӣ аз фаъолияти он самаранок истифода баранд.

Мавриди зикр аст, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати истифодаи мақсадноки замин, аз ҷумла ба роҳ мондани кишту парвариши зироати кишоварзӣ, ташкили гармхонаҳои наву инноватсионӣ ва гирифтани ҳосили фаровон аз онҳо пайваста таъкид менамоянд.

Бо дарки ин масъала устодони факултети биологияи Донишгоҳи давлатии Хоруғ раванди парвариши сабзавотро дар гармхонаҳои инноватсионии донишгоҳ тақвият бахшида, дар таъмини бозори истеъмолӣ бо сабзавоти тару тоза саҳми арзанда гузошта истодаанд.

АКСҲО: ДДХ

Latest news

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон сазовори медали нуқра шуд. Чемпионати мазкур миёни собиқадорон 4 октябр...

Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд

Бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ 8-9 октябр дар варзишгоҳҳои мамлакат баргузор мегарданд.

ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд

 Дирӯз дар шаҳри Тошканди  Ҷумҳурии Узбекистон Чемпионати  ҷаҳон оид ба гӯштини дзюдо  оғоз мегардад.  Чемпионати  ҷаҳон оид ба...

Ҳамкории Тоҷикистон ва Россия оид ба масоили ғизо густариш меёбад

Гурӯҳи кории Вазорати тандурустӣ ва ҳифзи иҷтимоии аҳолии мамлакат таҳти роҳбарии Директори Муассисаи давлатии «Маркази ҷумҳуриявии  ғизо»  Азизулло Шарипов аз Муассисаи давлатии...

Related news

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон сазовори медали нуқра шуд. Чемпионати мазкур миёни собиқадорон 4 октябр...

Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд

Бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ 8-9 октябр дар варзишгоҳҳои мамлакат баргузор мегарданд.

ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд

 Дирӯз дар шаҳри Тошканди  Ҷумҳурии Узбекистон Чемпионати  ҷаҳон оид ба гӯштини дзюдо  оғоз мегардад.  Чемпионати  ҷаҳон оид ба...

Ҳамкории Тоҷикистон ва Россия оид ба масоили ғизо густариш меёбад

Гурӯҳи кории Вазорати тандурустӣ ва ҳифзи иҷтимоии аҳолии мамлакат таҳти роҳбарии Директори Муассисаи давлатии «Маркази ҷумҳуриявии  ғизо»  Азизулло Шарипов аз Муассисаи давлатии...