30 март дар шаҳри Душанбе масъалаи беҳтарсозии ғизо дар Ҷумҳурии Тоҷикистон барои солҳои 2021 – 2025 мавриди баррасӣ қарор дода шуд, иттилоъ доданд ба МД «Ҷаҳоннамо» дар маркази матбуоти Вазорати тандурустӣ ва ҳифзи иҷтмоии аҳолии мамлакат.
Дар кори ҷаласаи Шӯрои ҳамоҳангсозии байнисоҳавӣ оид ба татбиқи «Нақшаи бисёрсоҳавӣ оид ба беҳтарсозии ғизо дар Ҷумҳурии Тоҷикистон барои солҳои 2021 – 2025» намояндагони вазорату идора ва кумитаҳои мамлакат, шарикони рушд ва мутахассисони соҳа иштирок намуданд.
Муҳимияти ғизои солим барои инкишофи зарфияти инсонӣ аз нақши марказии он дар ноилшавии Ҳадафҳои Рушди Устувор шаҳодат медиҳад: ҳадди ақал 12-тои ин ҳадафҳо аз нишондиҳандаҳое иборатанд, ки ба ғизо муносибати мустақим доранд.
Ҷумҳурии Тоҷикистон соли 2013 ба Ҳаракати глобалии васеъкунии ғизо (SUN) ҳамроҳ гардид. Масъалаҳои ғизо ба вазифаҳои афзалиятнок мубаддал гардида, дар рӯзномаи маҷлис дар соҳаи рушди миллӣ мустаҳкам ҷой гирифтанд ва нишондиҳандаҳои мақсадноки Ассамблеяи умумиҷаҳонии тандурустӣ дар соҳаи ғизо барои давраи то соли 2025 ва Ҳадафҳои Рушди Устувор (ҳадафи 2 (тандурустӣ) расман қабул гардиданд.
АКС: Вазорати тандурустӣ ва ҳифзи иҷтимоии ҶТ