10.4 C
Tajikistan
Friday, September 30, 2022

Ҷашни Наврӯзро дар Истанбул ботантана таҷлил намуданд

29 март бо ташаббуси Консулгарии Ҷумҳурии Тоҷикистон дар шаҳри Истанбул ҷашни Наврӯзи байналмилалӣ баргузор гардид, ки дар он тақрибан 300 нафар шаҳрвандону донишҷӯёни тоҷики муқими кишвари иқомат ширкат варзиданд.

Ҳамоиши мазкур пас аз садо додани сурудҳои миллии Ҷумҳурии Тоҷикистон ва Ҷумҳурии Туркия  бо суханони ифтитоҳии Консули генералии Тоҷикистон дар Истанбул  Мурод Саидзода оғоз гардид.

Консули генералӣ ҳозиринро бо фарорасии Наврӯзи оламафрӯз табрик гуфта, зикр намуд, ки “мо ифтихор дорем, ки баъди соҳибистиқлол гардидани Тоҷикистон бо ташаббуси сарони кишварҳои ҳавзаи Наврӯз, аз ҷумла Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин ҷашни бузурги аҷдодиамон мақоми байналмилалӣ касб намуд ва ин ойини деринаи ниёгонамон ҳар сол дар саросари мамлакат ва берун аз он бо иштироки тамоми ҳамватанонамон таҷлил мегардад. Ҷаҳонӣ шудани Наврӯз мо – ворисони ин ҷашни бостониро водор месозад, ки дар баробари ифтихор кардан аз ин ойини дерина, барои минбаъд эҳё намудану ривоҷ додани суннатҳои ахлоқиву маънавӣ ва фарҳангии он бештар кӯшиш намоем ва ҷиҳати ба аҳли башар боз ҳам беҳтар муаррифӣ намудани фазилатҳои инсонпарваронаи Наврӯз пайваста саъю талош варзем.”

Ҳафтаи сипаришуда дар шаҳри Истанбул бахшида ба ҷашни Наврӯзи хуҷастапай аз ҷониби Консулгарӣ мусобиқаи футбол байни шаҳрвандони тоҷики муқими Истанбул доир гардид, ки дар он 7 даста иштирок намуд. Мусобиқа ҷамъбаст гардида, ғолибон муайян карда шуданд. Дар ин ҷашн аз ҷониби Консулгарии Ҷумҳурии Тоҷикистон ба ғолибони 3 дастаи аввал ҷоизаю сипосномаҳо супорида шуданд. Ҳамзамон дар ҳошияи барнома ба як гурӯҳ шаҳрвандони фаъоли тоҷики муқими Истанбул сипосномаҳо “Барои саҳмгузорӣ дар ташкил ва баргузории чорабиниҳои муҳими сиёсӣ-фарҳангӣ дар хориҷи кишвар” тақдим гардиданд.

Инчунин дар маҳфил гӯшаи фарҳангӣ бо дастархони наврӯзӣ, ки дар он хӯрокҳои миллии кишвар бо суманак гузошта шуда буданд, манзур гардид, то шаҳрвандон ва меҳмонон аз он дидан намуда, худро дар Ватан эҳсос намоянд.

Ҷашни Наврӯзи хуҷастапай дар сатҳи олӣ таҷлил гардида, дар ин ҷамъомад санъаткорони кишвар, аз ҷумла овозхон ва фалаксарои овозадори тоҷик, оҳангсози суннатӣ, Ҳунарпешаи мардумии Тоҷикистон, дорандаи Ҷоизаи давлатии Тоҷикистон ба номи Абӯабдуллоҳ Рӯдакӣ Давлатманд Холов, овозхонони маъруф Дилшоди Файзулло ва Зулайхо Маҳмадшоева бо сурудҳои Ватан, Наврӯз ва ғайра  табъи меҳмонону шаҳрвандонро боз ҳам болида сохтанд.

Дар фарҷоми барнома якҷо бо шаҳрвандон, санъаткорону ҳунармандон ва намояндагони Консулгарии Ҷумҳурии Тоҷикистон дар шаҳри Истанбул аксҳои хотиравӣ гирифта шуданд.

АКСҲО аз муаллиф

Latest news

«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад

 Конференсияи байналмилалии илмӣ-амалии «Бехатарии обӣ – асоси рушди устувор» бахшида ба Даҳсолаи байналмилалии амал «Об барои рушди уствувор, солҳои 2018- 2028» ва...

Пешвои миллат Эмомалӣ Раҳмон дастур доданд, ки Маркази миллии тарҷумаи назди Ҳукумати Тоҷикистон таъсис дода шавад

Имрӯз Пешвои миллат муҳтарам Эмомалӣ Раҳмон супориш доданд, ки Маркази миллии тарҷумаи назди Ҳукумати Ҷумҳурии Тоҷикистон таъсис дода шавад, хабар медиҳад АМИТ...

Сарвари давлат Эмомалӣ Раҳмон дар шаҳри Душанбе Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор доданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии...

Президенти мамлакат Эмомалӣ Раҳмон бо аҳли маорифи пойтахт дар Донишкадаи давлатии забонҳои Тоҷикистон ба номи Сотим Улуғзода мулоқот намуданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи биноҳои нави Донишкадаи давлатии забонҳои...

Related news

«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад

 Конференсияи байналмилалии илмӣ-амалии «Бехатарии обӣ – асоси рушди устувор» бахшида ба Даҳсолаи байналмилалии амал «Об барои рушди уствувор, солҳои 2018- 2028» ва...

Пешвои миллат Эмомалӣ Раҳмон дастур доданд, ки Маркази миллии тарҷумаи назди Ҳукумати Тоҷикистон таъсис дода шавад

Имрӯз Пешвои миллат муҳтарам Эмомалӣ Раҳмон супориш доданд, ки Маркази миллии тарҷумаи назди Ҳукумати Ҷумҳурии Тоҷикистон таъсис дода шавад, хабар медиҳад АМИТ...

Сарвари давлат Эмомалӣ Раҳмон дар шаҳри Душанбе Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор доданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии...

Президенти мамлакат Эмомалӣ Раҳмон бо аҳли маорифи пойтахт дар Донишкадаи давлатии забонҳои Тоҷикистон ба номи Сотим Улуғзода мулоқот намуданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи биноҳои нави Донишкадаи давлатии забонҳои...