22 март дар қароргоҳи Созмони Милали Муттаҳид дар Нью-Йорк (ИМА) Тоҷикистон, Афғонистон, Эрон, Озарбойҷон, Қазоқистон, Қирғизистон, Ироқ, Туркманистон, Туркия ва Узбекистон чорабинии маҷозиро бахшида ба ҷашни байналмилалии Наврӯз баргузор намуданд. Дар ин бора МД «Ҷаҳоннамо» бо истинод ба Намояндагии доимии Ҷумҳурии Тоҷикистон дар СММ хабар медиҳад.
Намояндаи доимии Ҷумҳурии Тоҷикистон дар СММ Ҷонибек Ҳикмат дар ин ҳамоиш ширкат варзида, аз таърих ва аҳаммияти ин ҷашни ниёгон барои эҳё ва ҳифзи ҳуввият ва арзишҳои миллии Тоҷикистон ва минтақа ибрози андеша намуд.
Дабири кулли СММ Антониy Гутерреш, Раиси иҷлоси 76-уми Маҷмаи Умумии СММ Абдулло Шоҳид, Раиси Шӯрои иқтисодӣ ва иҷтимоии СММ Коллен Виксен Келапиле ва сафирони кишварҳои узви СММ дар чорабинии мазкур иштирок карда, кишварҳои ҳавзаи Наврӯзро бо ин ид табрик намуданд.
АКСҲО: Намояндаи доимии Ҷумҳурии Тоҷикистон дар СММ