-1.8 C
Tajikistan
Sunday, May 22, 2022

Вакилони Маҷлиси намояндагон дар кори комиссияҳои Ассамблеяи байнипарлумонии СААД иштирок намуданд

Имрӯз вакилони Маҷлиси намояндагон дар кори ҷаласаҳои нақшавии комиссияҳои доимии Ассамблеяи байнипарлумонии Созмони Аҳдномаи амнияти дастҷамъӣ оид ба масоили сиёсӣ ва ҳамкории байналмилалӣ, мудофиа ва амният, иҷтимоию иқтисодӣ, ҳуқуқӣ, сиёсати хориҷӣ, ки дар қасри Таврическии шаҳри Санкт-Петербурги Федератсияи Русия  дар реҷаи фосилавӣ (онлайн) баргузор гардид, ширкат карданд.

Дар он раиси кумитаи Маҷлиси намояндагон оид ба тартиботи ҳуқуқӣ, мудофиа ва амният Рустам Шоҳмурод, раиси комиссияи экологии Маҷлиси намояндагон Муҳаммадраҳим  Юсуфӣ, вакилон Мавлудахон Мирзозода, Зайниддин Сафаров, Равшан Раҷабзода, Сарвиноз Маҷидова, Толибхон Азимзода иштирок намуда, андешаҳои худро нисбат ба мавзӯъҳои баррасишуда иброз намуданд.

Вакилони Маҷлиси намояндагон дар баробари дигар вакилони парламентҳои давлатҳои аъзои Иттиҳоди Давлатҳои Мустақил бештар масъалаҳоеро муҳокима карданд, ки аксари онҳо ба масъалаҳои ҷустуҷӯи роҳҳои вусъат бахшидан ба равандҳои ҳамгироии иқтисодӣ, иҷтимоӣ ва сиёсӣ дар байни давлатҳои аъзои ИДМ бахшида шуда буданд.

Иштирокдорони ҳамоиши маҷозӣ бо дарназардошти авзои кунунии ҷаҳони муосир ва тазодҳои он масъалаҳои таъмини амнияти минтақавиро мавриди баррасӣ қарор доданд. Муборизаи дастҷамъона бар зидди терроризму ифротгароӣ ва дигар хатарҳои ҷаҳони муосир аз мавзуъҳои асосии ҳамоиш буд.

Зимни ҳамоиш вобаста ба дарёфти роҳу воситаҳои муассири мубориза ва пешгирӣ аз хатарҳои ҷаҳони имрӯза, махсусан минтақа миёни иштирокдорон мубодилаи афкор сурат гирифт. Гуфта шуд, ки маҳз фаъолияти дастҷамъона ва мубодилаи таҷриба дар ин самт воситаи ягонаи таъмини амнияту оромӣ дар минтақа хоҳад буд.

Иштирокчиёни ҷаласаҳои нақшавии комиссияҳои доимии АБ СААД иброз доштанд, ки Ҷумҳурии Тоҷикистон ба рушди ҳамкории якҷоя, такмили механизми ин ҳамкорӣ дар тамоми бахшҳо, аз ҷумла дар доираи АБ СААД эътибори ҷиддӣ медиҳад.

Зикр гардид, ки нақши СААД дар таъмини амният ва оромии минтақаҳои зери масъулияташ хеле бузург аст. Ҳамкории доимӣ дар доираи фаъолияти созмони мазкур имкон медиҳад, ки муносибатҳои байнипарламентӣ, робитаҳои байнидавлатии ҳарбӣ-сиёсӣ миёни давлатҳои аъзои созмон ба дараҷаи сифатан нав рушд ёфта, ба ташкили воқеии системаи амнияти коллективӣ мусоидат намояд. Дар робита ба ин қабули санадҳои намунавии (моделии) қонунгузорӣ ҳамчун заминаи сиёсӣ ва ҳуқуқии СААД метавонанд хизмат кунанд.

Иштирокчиёни кори ҷаласаҳои нақшавии комиссияҳои доимии АБ СААД ҳамчунин таъкид намуданд, ки ҳамкории байнипарлумонии кишварҳои аъзои ИДМ дар шаклҳои гуногуни ҳамкории дуҷониба ва бисёрҷониба амалӣ карда мешавад. Аз рӯзи таъсис Ассамблеяи Байнипарлумонии давлатҳои узви ИДМ мақоми худро ҳамчун  платформаи оптималӣ барои кори якҷояи парлумонҳо, муҳокимаи масъалаҳои мубрами рӯз ва наздикшавии мавқеи давлатҳои ИДМ собит менамояд.

Пойгоҳи таҳияшудаи қонунгузории намунавӣ ва таҷрибаи муқарраргардидаи ташкили ҳамкории байнипарлумонӣ ба парлумонҳо имкон медиҳад, ки дар равандҳои ҳамгироӣ дар шаклҳо ва асосҳои барои онҳо қобили қабул ширкат варзанд. Дар кори ҷаласаҳои нақшавии комиссияҳои доимии Ассамблеяи Байнипарлумонии СААД намояндаи Маҷлиси Олии Ҷумҳурии Тоҷикистон дар қароргоҳи Ассамблеяи Байнипарлумонии давлатҳои аъзои ИДМ дар шаҳри Санкт-Петербург Бахтовар Сафарзода иштирок намуд.

АКС: МН МО ҶТ

Latest news

Сафири Тоҷикистон дар Кувайт бо Дабири кулли Муколамаи ҳамкории Осиё мулоқот намуд

 17 май мулоқоти Сафири Ҷумҳурии Тоҷикистон дар Давлати Кувайт Зубайдулло Зубайдзода бо Дабири кулли Муколамаи ҳамкории Осиё (ACD) Порнчай Данвиватана баргузор гардид....

«МАЛИКА: ДИРӮЗ, ИМРӮЗ ВА ҲАМЕША». Ба ифтихори 80-солагии ситораи нотакрори балети тоҷик Малика Собирова барномаи фарҳангӣ доир мешавад

 21-22 май дар Театри давлатии академии опера ва балети ба номи С.Айнӣ бахшида ба зодрӯзи Ҳунарпешаи халқии СССР ва Тоҷикистон Малика Собирова...

Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал мавриди баррасӣ қарор гирифт

16 май вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо ҳайати миссияи Бонки ҷаҳонӣ вобаста ба татбиқи...

Дар Котиботи СҲШ бахшида ба Даҳсолаи байналмилалии амал «Об барои рушди устувор, солҳои 2018-2028» брифинг баргузор шуд

17 май бо ибтикори Сафорати Ҷумҳурии Тоҷикистон дар Ҷумҳурии Мардумии Чин дар Котиботи Созмони ҳамкории Шанхай (СҲШ) бахшида ба Даҳсолаи байналмилалии амал...

Related news

Сафири Тоҷикистон дар Кувайт бо Дабири кулли Муколамаи ҳамкории Осиё мулоқот намуд

 17 май мулоқоти Сафири Ҷумҳурии Тоҷикистон дар Давлати Кувайт Зубайдулло Зубайдзода бо Дабири кулли Муколамаи ҳамкории Осиё (ACD) Порнчай Данвиватана баргузор гардид....

«МАЛИКА: ДИРӮЗ, ИМРӮЗ ВА ҲАМЕША». Ба ифтихори 80-солагии ситораи нотакрори балети тоҷик Малика Собирова барномаи фарҳангӣ доир мешавад

 21-22 май дар Театри давлатии академии опера ва балети ба номи С.Айнӣ бахшида ба зодрӯзи Ҳунарпешаи халқии СССР ва Тоҷикистон Малика Собирова...

Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал мавриди баррасӣ қарор гирифт

16 май вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо ҳайати миссияи Бонки ҷаҳонӣ вобаста ба татбиқи...

Дар Котиботи СҲШ бахшида ба Даҳсолаи байналмилалии амал «Об барои рушди устувор, солҳои 2018-2028» брифинг баргузор шуд

17 май бо ибтикори Сафорати Ҷумҳурии Тоҷикистон дар Ҷумҳурии Мардумии Чин дар Котиботи Созмони ҳамкории Шанхай (СҲШ) бахшида ба Даҳсолаи байналмилалии амал...