11 март Сафири Ҷумҳурии Тоҷикистон дар Ҷумҳурии Федеративии Олмон Имомудин Сатторов бо Сардори Раёсати равобити дуҷониба бо кишварҳои Аврупои Марказӣ, Шарқӣ ва Ҷанубу Шарқӣ, Осиёи Марказӣ ва Қафқози Ҷанубии Дафтари Канслери федеролӣ Александр Валлау вохӯрӣ намуд. Дар ин бора МД «Ҷаҳоннамо» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот мусоҳибон дурнамои рушди ҳамкории Тоҷикистон ва Олмонро дар бахшҳои мухталиф, аз ҷумла таҳким ва тавсеаи робитаҳои иқтисодӣ, ҳамчунин масъалаҳои мубрами рӯзномаи дуҷониба ва минтақавиро баррасӣ карданд.
Ҷонибҳо ҳавасмандии худро ба густариши минбаъдаи робитаҳои дӯстона таъкид намуданд.
АКС: ВКХ ҶТ