Дар чаҳорчӯби раёсати Узбекистон дар Созмони ҳамкории Шанхай дар Тошканд баргузории нахустин ниммарафони байналмилалии СҲШ дар назар аст. Дар ин бора АМИ «УзА» хабар додааст.
Бо мақсади таъмини иҷрои вазифаҳои ба миён гузоштаи президенти Узбекистон тасмим гирифта шуд, ки дар доираи марафони IV байналмилалии “Наврӯз”, ки 27 март баргузор мегардад, нахустин ниммарафони байналмилалии СҲШ гузаронида шавад, гуфта шудааст дар иттилоия.
Дар ҷаласаи гурӯҳи корӣ оид ба ташкил ва баргузории ин чорабинии байналмилалии варзишӣ бо иштироки масъулини тамоми вазорату идораҳои дахлдор масъалаҳои дар сатҳи баланд баргузор намудани ниммарафон муфассал баррасӣ шуданд.
Ёдовар мешавем, ки тибқи фармони президент Мирзиёев дар бораи чораҳо оид ба татбиқи босамари раёсати Ҷумҳурии Узбекистон дар СҲШ дар солҳои 2021-2022 ҷадвали баргузории беш аз 80 чорабинии сатҳҳои гуногун тасдиқ карда шуд.
ДАР АКСИ БОЛО: Марафони байналмилалии СҲШ ва Машварат оид ба ҳамкорӣ ва тадбирҳои боварӣ дар Осиё (МҲТБО) соли 2017 дар Остона. Акс: Vesti.kz