-11.6 C
Tajikistan
Sunday, January 29, 2023

Ба ифтихори 1050-солагии олими барҷастаи Шарқ Абурайҳони Берунӣ ҳамоиши илмӣ-назариявии байналмилалӣ доир шуд

Дар Осорхонаи миллии Тоҷикистон ба ифтихори 1050 – солагии олими барҷастаи Шарқ Абурайҳони Берунӣ, ки моҳи ноябри соли гузашта ба феҳристи ҷашнвораҳои ЮНЕСКО ҷиҳати таҷлил дар солҳои 2022-2023 ворид гардидааст, ҳамоиши илмӣ-назариявии байналмилалӣ дар мавзӯи «Абурайҳони Берунӣ – мутафаккири бузурги Машриқзамин» доир шуд

Дар ҳамоиш директори Осорхонаи миллии Тоҷикистон Аҳлиддин Ибодуллозода изҳор дошт, ки миллати тоҷик дар тӯли таърихи чандинҳазорсола бисёр абармардони фарҳангу тамаддун ва нобиғагони илму маърифатро ба дунё овардааст, ки бо осори ҷовидонаашон на танҳо барои халқу кишвари худ хизматҳои пурарзиш анҷом додаанд, балки дар рушду нумуи илму фарҳанг ва тамаддуни ҷаҳонӣ саҳми босазо гузоштаанд.

-Абурайҳон Берунӣ яке аз бузургтарин алломаҳои Машриқзамин, риёзидон, файласуф, табиатшинос, табиб, мунаҷҷим, муаррих ва ҷомеашиноси тоҷику форс буда, дар омӯзиш ва рушди илму фарҳанги ҷаҳонӣ нақши бориз дорад,-афзуд Аҳлиддин Ибодуллозода.

Дар ҳамоиш олимону муҳаққиқони ватанӣ ва хориҷӣ дар мавзӯъҳои «Абурайҳони Берунӣ ва саҳми ӯ дар таърихи илму фарҳанги ҷаҳонӣ», «Абурайҳони Берунӣ – поягузори инқилоби илмӣ дар Осиёи Марказӣ ва Эрон», «Абурайҳони Берунӣ – устоди забони модарии мо», «Ду рисола дар бораи устурлоби Абурайҳони Берунӣ», «Саҳми Абурайҳони Берунӣ дар рушди илмҳои дақиқ ва табиатшиносӣ», «Корбурди луғоти санскрит дар асари «Молил Ҳинд»-и Абурайҳони Берунӣ» маърӯза намуданд.

Ҳамзамон назари иштирокдорон доир ба мавзӯъҳои пешниҳодгардида мавриди таваҷҷуҳ ва баррасӣ қарор гирифт.

Дар кори он намояндагони Вазорати фарҳанги Ҷумҳурии Тоҷикистон, Академияи миллии илмҳои Тоҷикистон, Комиссияи миллии Ҷумҳурии Тоҷикистон оид ба корҳои ЮНЕСКО, Донишгоҳи давлатии Бохтар ба номи Носири Хусрав, Институти астрофизикаи АМИТ, Коллеҷи тиббии ҷумҳуриявӣ, сафоратхонаҳои кишварҳои Узбекистону Эрон дар шаҳри Душанбе ва бо тариқи маҷозӣ (онлайн) олимону муҳаққиқони хориҷӣ аз Ҷумҳурии Узбекистон, Ҷумҳурии Исломии Эрон ва Ҷумҳурии Федеролии Олмон иштирок ва суханронӣ намуданд.

АКС: Осорхонаи миллии Тоҷикистон

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...