-1.8 C
Tajikistan
Sunday, May 22, 2022

Вазорати меҳнат, муҳоҷират ва шуғли аҳолӣ лоиҳа оид ба шуғли фосилавиро амалӣ менамояд

Миёни Вазорати меҳнат, муҳоҷират ва шуғли аҳолии  Ҷумҳурии Тоҷикистон ва Ташкилоти ҷамъиятии «Илмхона» қарордоди ҳамкорӣ дар соҳаи  «Импакт сорсинг» барои пешбарии лоиҳа оид ба шуғли фосилавӣ ба имзо расид.  Дар доираи ин барнома 750 нафар ба малакаҳои компютерӣ фаро гирифта мешаванд, ки он  ба талаботи бозори меҳнат ҷавобгӯ буда, барои фаъолият дар самти шуғли фосилавӣ аз асоситарин шарти кор маҳсуб мешавад, хабар доданд ба МД «Ҷаҳоннамо» дар Вазорати меҳнат, муҳоҷират ва шуғли аҳолӣ.

Қарордоди мазкурро Вазири меҳнат, муҳоҷират ва шуғли аҳолӣ Ширин Амонзода ва директори Ташкилоти ҷамъиятии «Илмхона» Фаррух Умаров ба имзо расониданд.

Ширин Амонзода зикр кард, ки Ҳукумати Ҷумҳурии Тоҷикистон барои муҳайё намудани ҷойҳои нави корӣ барои шаҳрвандон пайваста тадбирҳои муассир андешида, шуғли фосилавӣ яке аз роҳҳои муосир  барои таъминоти аҳолӣ ба ҷойи кори доимӣ мебошад.

«Шунавандагони ин лоиҳа, аслан шахсоне мебошанд, ки дар ҷустуҷӯи кори маҷозӣ — онлайнӣ ҳастанд ё мехоҳанд барои дастрасӣ доштан ба ҷойҳои кории маҳаллӣ малакаҳои худро такмил диҳанд. Курсҳои омўзишӣ бо дастгирии ЮНИСЕФ ва Вазорати меҳнат, муҳоҷират ва шуғли аҳолии Ҷумҳурии Тоҷикистон баргузор гардида, таҳсил дар ин курсҳо ройгон мебошанд»,-Вазир.

Иттилоъ дода шуд, ки  «Импакт сорсинг» як амалияи фарогири шуғлофарии муосир буда, бо мусоидати он ширкатҳо тавассути занҷираҳои глобалии таъминот шаҳрвандонро барои иҷрои кор кироя менамоянд ва аз тариқи воситаи электронӣ иҷрои кор сурат мегирад.

Ташкилоти ҷамъиятии «Илмхона» яке аз ҳамкорони Хазинаи кўдакони СММ (ЮНИСЕФ) буда, мақсади лоиҳаи мазкур таҳия ва ҷорӣ намудани шакли шуғли фосилавӣ барои ҷавонон мебошад.

Нафароне, ки хоҳиш доранд дар ин лоиҳа иштирок намоянд, метавонанд тавассути телефон ва ё почтаи электронӣ бо масъулони Ташкилоти ҷамъиятии «Илмхона» дар тамос бошанд.

Ёдовар мешавем,  ки модели шуғли фосилавӣ  барои ҷавонон  шакли нави ташкили шуғл (кор берун аз дафтари корӣ) буда, ба корманд имкон медиҳад, ки вазифаҳои меҳнатии худро берун аз иншооти корфармо бо истифода аз технологияи иттилоотӣ, тавассути Интернет дар реҷаи воқеӣ, новобаста аз реҷаи кор ва ҷои истиқомат иҷро намояд.

Ҳамчунин ташкили шуғли фосилавӣ дар муқоиса ба шуғли анъанавӣ барои корфармоён шароит фароҳам меорад, ки берун аз дафтари корӣ бо сарфи хароҷоти ками молиявӣ ва вақти корӣ фаъолияти иқтисодии худро ба сомон расонанд.

АКС: Вазорати меҳнат, муҳоҷират ва шуғли аҳолии ҶТ

Latest news

Сафири Тоҷикистон дар Кувайт бо Дабири кулли Муколамаи ҳамкории Осиё мулоқот намуд

 17 май мулоқоти Сафири Ҷумҳурии Тоҷикистон дар Давлати Кувайт Зубайдулло Зубайдзода бо Дабири кулли Муколамаи ҳамкории Осиё (ACD) Порнчай Данвиватана баргузор гардид....

«МАЛИКА: ДИРӮЗ, ИМРӮЗ ВА ҲАМЕША». Ба ифтихори 80-солагии ситораи нотакрори балети тоҷик Малика Собирова барномаи фарҳангӣ доир мешавад

 21-22 май дар Театри давлатии академии опера ва балети ба номи С.Айнӣ бахшида ба зодрӯзи Ҳунарпешаи халқии СССР ва Тоҷикистон Малика Собирова...

Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал мавриди баррасӣ қарор гирифт

16 май вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо ҳайати миссияи Бонки ҷаҳонӣ вобаста ба татбиқи...

Дар Котиботи СҲШ бахшида ба Даҳсолаи байналмилалии амал «Об барои рушди устувор, солҳои 2018-2028» брифинг баргузор шуд

17 май бо ибтикори Сафорати Ҷумҳурии Тоҷикистон дар Ҷумҳурии Мардумии Чин дар Котиботи Созмони ҳамкории Шанхай (СҲШ) бахшида ба Даҳсолаи байналмилалии амал...

Related news

Сафири Тоҷикистон дар Кувайт бо Дабири кулли Муколамаи ҳамкории Осиё мулоқот намуд

 17 май мулоқоти Сафири Ҷумҳурии Тоҷикистон дар Давлати Кувайт Зубайдулло Зубайдзода бо Дабири кулли Муколамаи ҳамкории Осиё (ACD) Порнчай Данвиватана баргузор гардид....

«МАЛИКА: ДИРӮЗ, ИМРӮЗ ВА ҲАМЕША». Ба ифтихори 80-солагии ситораи нотакрори балети тоҷик Малика Собирова барномаи фарҳангӣ доир мешавад

 21-22 май дар Театри давлатии академии опера ва балети ба номи С.Айнӣ бахшида ба зодрӯзи Ҳунарпешаи халқии СССР ва Тоҷикистон Малика Собирова...

Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал мавриди баррасӣ қарор гирифт

16 май вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо ҳайати миссияи Бонки ҷаҳонӣ вобаста ба татбиқи...

Дар Котиботи СҲШ бахшида ба Даҳсолаи байналмилалии амал «Об барои рушди устувор, солҳои 2018-2028» брифинг баргузор шуд

17 май бо ибтикори Сафорати Ҷумҳурии Тоҷикистон дар Ҷумҳурии Мардумии Чин дар Котиботи Созмони ҳамкории Шанхай (СҲШ) бахшида ба Даҳсолаи байналмилалии амал...