-1.5 C
Tajikistan
Friday, October 7, 2022

НИШАСТИ МАТБУОТӢ. Бинобар риоя нагардидани қонуни танзим шаҳрвандон ва муассисаҳо ба андозаи беш аз 3 миллион сомонӣ ҷарима баста шуданд

Аз сабаби  риоя нагардидани Қонуни Ҷумҳурии Тоҷикистон «Дар бораи танзими анъана ва  ҷашну  маросим дар Ҷумҳурии Тоҷикистон» соли гузашта шаҳрвандони алоҳида ва муаасисаҳои гуногун ба  андозаи умумии беш аз 3 миллиону 96 ҳазор сомонӣ ҷарима баста шуданд, ки ин маблағ ба буҷети давлат интиқол дода шуд. Дар ин бора Раиси  Кумитаи дин, танзими анъана ва ҷашну маросими назди Ҳукумати Ҷумҳурии  Тоҷикистон Сулаймон Давлатзода 8 феврал нишасти матбуотӣ дар Душанбе хабар дод.

Мавсуф афзуд, ки  бинобар риоя нагардидани яке аз қонунҳои миллии кишвар – Қонуни  Ҷумҳурии Тоҷикистон «Дар бораи танзими анъана ва ҷашну  маросим дар Ҷумҳурии Тоҷикистон»   тибқи омори пешниҳоднамудаи Суди Олии мамлакат, соли гузашта  беш аз 680 парвандаи маъмурӣ мавриди баррасӣ қарор дода шуд, ки  дар қиёс ба соли 2020   72 адад зиёд мебошад.

Сулаймон Давлатзода зикр намуд, ки  аз  теъдоди умумии парвандаҳо 13 парванда қатъ карда шуда,  доир ба 668 ҳолат  қарори марбута бароварда шуд.

Тибқи  маълумоти  комиссияҳои  доимии танзими  анъана ва ҷашну маросим  ва ҷараёни баргузории маъракаҳо  дар маҷмӯъ дар соли сипаригардида  дар миқёси мамлакат 123 ҳазору 323  ҷашну маросим  барпо гардидааст, ки   нисбат ба соли 2020 зиёда аз  28 ҳазор адад зиёд мебошад.  Ҳамзамон  дар ин давра аз ҷониби комиссияҳои  доимии танзими анъана ва ҷашну маросим  дар маҷмӯъ зиёда аз 32 ҳазор   санҷиш гузаронида шудааст, ки   4593 адади он ба шаҳри Душанбе, 4619 адад ба вилояти Суғд,  9953 адад ба вилояти Хатлон, 12660 адад ба навоҳии тобеи марказ ва 673 адад ба Вилояти Мухтори Кӯҳистони Бадахшон рост меояд.

Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон»  8 июни соли 2007 қабул шудааст. Қонуни мазкур бо тақозои рушди ҷомеа анъана ва ҷашну маросимҳоро танзим намуда, ба ҳифзи арзишҳои фарҳанги миллӣ ва эҳтиром ба суннатҳои мардумӣ ба баланд бардоштани сатҳи иҷтимоию иқтисодии зиндагии сокинони мамлакат  нигаронида шудааст.

      АКСҲО: АМИТ «Ховар»

Latest news

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон сазовори медали нуқра шуд. Чемпионати мазкур миёни собиқадорон 4 октябр...

Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд

Бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ 8-9 октябр дар варзишгоҳҳои мамлакат баргузор мегарданд.

ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд

 Дирӯз дар шаҳри Тошканди  Ҷумҳурии Узбекистон Чемпионати  ҷаҳон оид ба гӯштини дзюдо  оғоз мегардад.  Чемпионати  ҷаҳон оид ба...

Ҳамкории Тоҷикистон ва Россия оид ба масоили ғизо густариш меёбад

Гурӯҳи кории Вазорати тандурустӣ ва ҳифзи иҷтимоии аҳолии мамлакат таҳти роҳбарии Директори Муассисаи давлатии «Маркази ҷумҳуриявии  ғизо»  Азизулло Шарипов аз Муассисаи давлатии...

Related news

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон сазовори медали нуқра шуд. Чемпионати мазкур миёни собиқадорон 4 октябр...

Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд

Бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ 8-9 октябр дар варзишгоҳҳои мамлакат баргузор мегарданд.

ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд

 Дирӯз дар шаҳри Тошканди  Ҷумҳурии Узбекистон Чемпионати  ҷаҳон оид ба гӯштини дзюдо  оғоз мегардад.  Чемпионати  ҷаҳон оид ба...

Ҳамкории Тоҷикистон ва Россия оид ба масоили ғизо густариш меёбад

Гурӯҳи кории Вазорати тандурустӣ ва ҳифзи иҷтимоии аҳолии мамлакат таҳти роҳбарии Директори Муассисаи давлатии «Маркази ҷумҳуриявии  ғизо»  Азизулло Шарипов аз Муассисаи давлатии...