Аз 31 январ то 5 феврали соли 2022 дар шаҳри Ҷиззахи Ҷумҳурии Узбекстон вохӯрии навбатии гурӯҳҳои кории Тоҷикистон ва Узбекистон дар Комиссияи муштараки демаркатсионӣ баргузор гардид. Дар ин бора МД «Ҷаҳоннмао» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни вохӯрӣ корҳои аломатгузорӣ муҳокима гардида, роҷеъ ба хатти лоиҳавии демаркатсионии сарҳади Тоҷикистону Узбекистон пешниҳодҳои муштарак омода шуданд.
Дар давраи нишаст ҷонибҳо ҳамчунин азназаргузаронии саҳроиро бо мақсади омӯзиши мавзеҳои баррасишавандаи сарҳади давлатӣ анҷом доданд.
Аз натиҷаи вохӯрӣ Протоколи дахлдор ба имзо расид.
Мулоқот дар фазои дӯстӣ ва ҳамдигарфаҳмӣ гузашт.
Вохӯрии навбатӣ дар Ҷумҳурии Тоҷикистон баргузор мегардад.
АКС: ВКХ ҶТ