-1.5 C
Tajikistan
Friday, October 7, 2022

«БАЗМИ РАНГҲО». Дар Осорхонаи миллии Тоҷикистон намоиши асарҳои рассомони тоҷик ифтитоҳ ёфт

Дар Осорхонаи миллӣ намоиши асарҳои тозаэҷоди рассомони маъруфи тоҷик – Далер  Миҳтоҷов, Эраҷ Олимов ва Баҳром Исматов бо номи «Базми рангҳо» ифтитоҳ гардид, ки то 25 феврал идома меёбад, иттилоъ доданд дар Осорхонаи миллии Тоҷикистон ба МД «Ҷаҳоннамо».

Дар намоиш намояндагони Вазорати фарҳанги Ҷумҳурии Тоҷикистон, Иттифоқи рассомони Тоҷикистон, Муассисаи давлатии Коллеҷи ҷумҳуриявии рассомии ба номи М. Олимов, сафоратхонаҳои Корея, Ҳиндустон ва дигар дӯстдорони ҳунари рассомии кишвар иштирок ва суханронӣ намуданд.

Зимни ифтитоҳи намоиш директори Осорхонаи миллӣ Аҳлиддин Ибодуллозода зикр намуд, ки санъати тасвирӣ ва амалии халқи тоҷик таърихи хеле қадимӣ дошта, ҷузъи таркибӣ ва созандаи таъриху фарҳанги волои умумибашарӣ мебошад ва намоиши мазкур ҷиҳати муаррифии шоистаи он ташкил карда шуд.

Эҷодиёти ин мусаввирон дар рушди санъати тасвирии муосири тоҷик ҷойгоҳи махсус дошта, дар намоишгоҳҳои баланднуфузи сатҳи ҷаҳонӣ ширкат намудаанд. Дар намоиш зиёда аз 47 асари беҳтарини муаллифон баҳри ҳаводорони фарҳанг ва санъати тоҷик ба тамошо гузошта шудааст.

Мавриди зикр аст, ки ин эҷодкорон дар сабкҳои мухталифи санъати мусаввирии тоҷик бо истифода аз услуб ва равияҳои гуногун асар офаридаанд. Мазмун ва сабки эҷодии асарҳои онҳоро муносибати хос ба таърихи гузашта, анъанаҳои миллӣ, ҳаёти деҳоти кишвар, рӯзгори мардуми одӣ, хусусан занону духтарон ташкил медиҳад. Дар аксари офаридаҳои онҳо бо

истифода аз услубҳои хоссаашон фаровонии ҳама рангҳо ва бештар рангҳои гармро мушоҳида кардан мумкин аст.

Бояд гуфт, ки офаридаҳои Далер Миҳтоҷов дорои сабку услуби ба худ хос ва мавзӯъҳои рангин буда, дар онҳо бештар инъикоси давраҳо ва ҳодисаҳои гуногуни таърихӣ дида мешавад. Асарҳои хеле ҷолиби ӯ дар ин самт таҳти унвони «Шоҳроҳи таърих» таълиф шудаанд, ки баргирифта аз деворнигораҳои «Панҷакенти қадим» мебошанд.

Эҷодиёти Эраҷ Олимов низ анъанаҳои хоси миллиро инъикос мекунад. Ӯ каҳрамонҳоро воқеӣ – тахайюлӣ тасвир мекунад. Ба ин восита ӯ моҳияти ботинии образҳоро нишон медиҳад.

Рассом базми рангҳоро дар мисоли базми мардумӣ – яъне хурсандӣ, шодиву нишот, фаровонии дастурхони мардум, ширкати хурду калон тасвир намудааст. Силсилаасарҳои ӯ таҳти унвони «Ранг ва нур» чеҳраҳои духтарони зебои тоҷикро бо меваҳои тару тоза тасвир намудаанд, ки рамзи зебоии зиндагӣ ва пайванди наслҳо мебошанд.

Мусаввараҳои Баҳром Исматов бо сабки ба худ хос ва рамзҳои зоҳирии гуногунрангӣ ифода шудаанд. Рассом инсонҳоро дар печутоби пурмуаммои зиндагӣ, хусусан чеҳраи занонро хеле пурасрор тасвир намудааст, ки намунаҳои он асарҳои «Занон бо фаранҷӣ» ва «Ҳарам» мебошанд.

АКСҲО: Осорхонаи миллии Тоҷикистон

Latest news

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон сазовори медали нуқра шуд. Чемпионати мазкур миёни собиқадорон 4 октябр...

Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд

Бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ 8-9 октябр дар варзишгоҳҳои мамлакат баргузор мегарданд.

ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд

 Дирӯз дар шаҳри Тошканди  Ҷумҳурии Узбекистон Чемпионати  ҷаҳон оид ба гӯштини дзюдо  оғоз мегардад.  Чемпионати  ҷаҳон оид ба...

Ҳамкории Тоҷикистон ва Россия оид ба масоили ғизо густариш меёбад

Гурӯҳи кории Вазорати тандурустӣ ва ҳифзи иҷтимоии аҳолии мамлакат таҳти роҳбарии Директори Муассисаи давлатии «Маркази ҷумҳуриявии  ғизо»  Азизулло Шарипов аз Муассисаи давлатии...

Related news

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон сазовори медали нуқра шуд. Чемпионати мазкур миёни собиқадорон 4 октябр...

Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд

Бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ 8-9 октябр дар варзишгоҳҳои мамлакат баргузор мегарданд.

ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд

 Дирӯз дар шаҳри Тошканди  Ҷумҳурии Узбекистон Чемпионати  ҷаҳон оид ба гӯштини дзюдо  оғоз мегардад.  Чемпионати  ҷаҳон оид ба...

Ҳамкории Тоҷикистон ва Россия оид ба масоили ғизо густариш меёбад

Гурӯҳи кории Вазорати тандурустӣ ва ҳифзи иҷтимоии аҳолии мамлакат таҳти роҳбарии Директори Муассисаи давлатии «Маркази ҷумҳуриявии  ғизо»  Азизулло Шарипов аз Муассисаи давлатии...