Ҷараёни татбиқи лоиҳаҳои сармоягузории давлатӣ бо маблағгузории Бонки Аврупоии Таҷдид ва Рушд/БАТР/ дар Ҷумҳурии Тоҷикистон дар меҳвари мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода ва роҳбари намояндагии БАТР дар Тоҷикистон хонум Рика Иши қарор гирифт, иттилоъ доданд аз Кумитаи давлатии сармоягузорӣ ва идораи амволи давлатии ҷумҳурӣ.
Мусоҳибон ҳамзамон оид ба масъалаҳои марбут ба стратегияи нави БАТР барои Ҷумҳурии Тоҷикистон, тақвияти ҳамкории минбаъда дар соҳаҳои нақлиёту обтаъминкунӣ, гузариш ба иқтисодиёти сабз, рақамикунонӣ ва дастгирии соҳибкории истеҳсолӣ изҳори назар намуданд.
Мулоқот дар фазои созанда ва ҳусни тафоҳум сурат гирифт.
АКС: Кумитаи давлатии сармоягузорӣ ва идораи амволи давлатии ҶТ