-11.6 C
Tajikistan
Sunday, January 29, 2023

Дар Душанбе мулоқоти Гурӯҳи корӣ оид ба омодасозии Конфронси оби СММ-2023 баргузор гардид

 Ҳайати Гурӯҳи корӣ оид ба омодасозии Конфронси Созмони Милали Муттаҳид ҷиҳати баррасии миёнамуҳлати даҳсолаи об, ки 22-24 марти соли 2023 дар шаҳри Ню-Йорк баргузор меградад, ба Душанбе ташриф овард. Дар ин бора МД «Ҷаҳоннамо» бо истинод ба Вазорати корҳои хориҷии Ҷумҳурии Тоҷикистон хабар медиҳад.

31 январ муовини Вазири корҳои хориҷии Ҷумҳурии Тоҷикистон Шараф Шерализода ҳайати Гурӯҳи кориро, ки ба он Намояндаи вежаи Подшоҳии Нидерланд оид ба ҳамкориҳои байналмилалии об Ҳенк Овинк, Сафири Подшоҳии Нидерланд дар Тоҷикистон Андре Карстенс (бо қароргоҳ дар Нур-Султон) ва намояндагони зерниҳодҳои соҳавии СММ шомил буданд, ба ҳузур пазируфт.

Ш. Шерализода аҳаммияти ташаббусҳои байналмилалии Президенти Ҷумҳурии Тоҷикистон оид ба масъалаҳои об ва тағйирёбии иқлимро дар татбиқи Рӯзномаи 2030, ба вежа Ҳадафи шашуми рушди устувор ва дигар ҳадафҳои марбут ба об таъкид намуда, изҳор дошт, ки пешбурди Раванди оби Душанбе дар чорчӯби Конфронси байналмилалӣ оид ба Даҳсолаи байналмилалии амал “Об барои рушди устувор, 2018-2028” идомаи фаъоли Тоҷикистон дар пайдо кардани роҳҳои самарабахши ҳалли мушкилоти ҷаҳонӣ мебошад.

Ҷонибҳо таъкид намуданд, ки Конфронси дуюми байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” таҳти унвони “Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ”, ки аз 6 то 9 июни 2022 дар Душанбе баргузор мегардад, ҳамчун занҷираи марказӣ ба кори муштараки Тоҷикистон ва Нидерланд дар мавриди рӯзномаи ҷаҳонии об ҷиҳати баргузории Конфронси СММ оид ба об дар соли 2023 хоҳад буд.

Дар мулоқот ҳамчунин дар бораи нишастҳои муштараки баъдӣ ва муаррифии ҳадафҳои Конфронси дуюми Душанбе ва Конфронси оби СММ-2023 дар чаҳорчӯби чорабиниҳои байналмилалию минтақавӣ ва дигар масъалаҳои мавриди эҳтимоми тарафайн табодули назар сурат гирифт.

Аз 31 январ то 2 феврал дар Душанбе ҷаласаҳои Гурӯҳи корӣ оид ба омодасозии Конфронси оби СММ-2023 дар шакли ҳузурию маҷозӣ баргузор гардида, аз натиҷа нишасти матбуотӣ ҷиҳати муаррифии Конфронси дуюми Душанбе ва Конфронси оби СММ-2023 доир мегардад.

АКСҲО: ВКХ ҶТ

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...