-1.8 C
Tajikistan
Sunday, May 22, 2022

Дар Донишгоҳи техникии Тоҷикистон озмоишгоҳи лоиҳакашӣ-истеҳсолӣ таъсис ёфт

 Дар доираи қарордод оид ба ҳамкорӣ миёни Вазорати фарҳанг ва сайёҳии Ҷумҳурии Туркия, Сарраёсати Агентии Туркия оид ба ҳамкорӣ ва ҳамоҳангсозӣ (ТИКА) ва Донишгоҳи техникии Тоҷикистон ба номи академик М.С. Осимӣ озмоишгоҳи лоиҳакашӣ-истеҳсолии Исмоил ал-Ҷазарӣ (Cezeri Lab) таъсис дода шуд, ки аввалин озмоишгоҳи қолаби зерин дар Осиёи Миёна мебошад, хабар доданд аз Донишгоҳи техникии Тоҷикистон.

Озмоишгоҳи таълимӣ-истеҳсоли ба номи ал-Ҷазарӣ (Cezeri Lab)- ин маҷмӯи дастгоҳ ва таҷҳизоти рақамӣ барои тарҳрезӣ ва тайёр намудани робот, инчунин дигар таҷҳизоти худидорашаванда (мехатроника) пешбинӣ гардидааст. Дар озмоишгоҳ зиёда аз 60 номгӯй дастгоҳ ва таҷҳизоти муосир ҷойгиранд, ки имкони амалӣ намудани раванди технологии истеҳсол аз тарҳрезӣ то маҳсулоти тайёрро доранд. Озмоишгоҳи мазкур имконият медиҳад, ки дар Тоҷикистон таълимоти комилан нави инноватсионӣ мавриди омӯзиш қарор дода шавад. Акнун дар шароити кишвар имконияти омӯзиши пурраи технологияҳои 3D-нашр фароҳам оварда шудааст.

Коршиноси байналмилалӣ оид ба таҷҳизоти муосир Ҷалолиддин Четинкай зикр намуд, ки «имконияти озмоишгоҳ ал-Ҷазарӣ барои тавсеаи тафаккури техникӣ ва ба амал баровардани идеяҳои нав васеъ мебошад. Мояи хушнудист, ки дар муддати кӯтоҳ устодони Донишгоҳи техникии Тоҷикистон зимни омӯзишҳо аз ин имконияти озмоишгоҳ бархурдор шуда, худ ва намояндагони илми тоҷикро ҳамчун мутахассисони баландихтисос муаррифӣ карданд».

Донишгоҳи техникии Тоҷикистон ин амалро  ҷиҳати дар амал татбиқ намудани ҳадафҳои стратегии кишвар, муқаррароти «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи маориф» ва вусъат додани ҳамкории байналмилалии донишгоҳ роҳандозӣ намуда, дар самти робитаҳои хориҷӣ низ мунтазам иқдомҳои мушаххас роҳандозӣ менамояд.

Ҳамкории мутақобилан судманд бо шарикони хориҷӣ имконият муҳайё намуд, ки барои ба устодони донишгоҳ омӯзонидани дастгоҳ ва таҷҳизоти озмоишгоҳ бо усулҳои замонавӣ коршиносони  байналмилалӣ оид ба технологияҳои муосир аз Ҷумҳурии Туркия ҷалб гарданд.

Мавриди зикр аст, ки миёни Донишгоҳи техникии Тоҷикистон ба номи академик М.С.Осимӣ ва Сарраёсати Агентии Туркия оид ба ҳамкорӣ ва ҳамоҳангсозӣ (ТИКА), махсусан дафтари Агентӣ дар шаҳри Душанбе ҳамкории фарогири мутақобилан судманд ба роҳ монда шуда, ҷонибҳо барои тақвияти заминаи моддӣ-техникӣ ва мустаҳкам кардани пояи илмии донишгоҳ якчанд лоиҳаҳоро амалӣ менамоянд.

Аз ҷумла, дар донишгоҳ аз ҷониби шарикон аз Ҷумҳурии Мардумии Чин бунёди аввалин устохонаи ба номи Лу Бан дар минтақаи Осиёи Миёна дар назар аст. Инчунин бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки зимни ироаи Паёми навбатӣ ба Маҷлиси Олии кишвар иброз гардиданд, дар ҳамкорӣ бо шарикони байналмилалӣ масъалаи таъсиси гурӯҳҳои академии забони таҳсилашон англисӣ мавриди баррасӣ қарор дода шуданд.

АКС: Донишгоҳи техникии Тоҷикистон ба номи академик М.С. Осимӣ

Latest news

Сафири Тоҷикистон дар Кувайт бо Дабири кулли Муколамаи ҳамкории Осиё мулоқот намуд

 17 май мулоқоти Сафири Ҷумҳурии Тоҷикистон дар Давлати Кувайт Зубайдулло Зубайдзода бо Дабири кулли Муколамаи ҳамкории Осиё (ACD) Порнчай Данвиватана баргузор гардид....

«МАЛИКА: ДИРӮЗ, ИМРӮЗ ВА ҲАМЕША». Ба ифтихори 80-солагии ситораи нотакрори балети тоҷик Малика Собирова барномаи фарҳангӣ доир мешавад

 21-22 май дар Театри давлатии академии опера ва балети ба номи С.Айнӣ бахшида ба зодрӯзи Ҳунарпешаи халқии СССР ва Тоҷикистон Малика Собирова...

Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал мавриди баррасӣ қарор гирифт

16 май вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо ҳайати миссияи Бонки ҷаҳонӣ вобаста ба татбиқи...

Дар Котиботи СҲШ бахшида ба Даҳсолаи байналмилалии амал «Об барои рушди устувор, солҳои 2018-2028» брифинг баргузор шуд

17 май бо ибтикори Сафорати Ҷумҳурии Тоҷикистон дар Ҷумҳурии Мардумии Чин дар Котиботи Созмони ҳамкории Шанхай (СҲШ) бахшида ба Даҳсолаи байналмилалии амал...

Related news

Сафири Тоҷикистон дар Кувайт бо Дабири кулли Муколамаи ҳамкории Осиё мулоқот намуд

 17 май мулоқоти Сафири Ҷумҳурии Тоҷикистон дар Давлати Кувайт Зубайдулло Зубайдзода бо Дабири кулли Муколамаи ҳамкории Осиё (ACD) Порнчай Данвиватана баргузор гардид....

«МАЛИКА: ДИРӮЗ, ИМРӮЗ ВА ҲАМЕША». Ба ифтихори 80-солагии ситораи нотакрори балети тоҷик Малика Собирова барномаи фарҳангӣ доир мешавад

 21-22 май дар Театри давлатии академии опера ва балети ба номи С.Айнӣ бахшида ба зодрӯзи Ҳунарпешаи халқии СССР ва Тоҷикистон Малика Собирова...

Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал мавриди баррасӣ қарор гирифт

16 май вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо ҳайати миссияи Бонки ҷаҳонӣ вобаста ба татбиқи...

Дар Котиботи СҲШ бахшида ба Даҳсолаи байналмилалии амал «Об барои рушди устувор, солҳои 2018-2028» брифинг баргузор шуд

17 май бо ибтикори Сафорати Ҷумҳурии Тоҷикистон дар Ҷумҳурии Мардумии Чин дар Котиботи Созмони ҳамкории Шанхай (СҲШ) бахшида ба Даҳсолаи байналмилалии амал...