Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо Ордени Кумитаи ҷанговарони интернатсионалисти назди Шӯрои сарони давлатҳои ИДМ барои хизматрасонии тиббӣ қадрдонӣ гардид, иттилоъ аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Маросими тақдими орден 29 январи соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз ҷониби намояндагони кумитаи мазкур доир гардид.
Зимни баргузории маросими тақдими Орден намояндагони Кумитаи ҷанговарони интернатсионалисти назди Шӯрои сарони давлатҳои ИДМ ба Ҷамолиддин Абдуллозода барои расонидани хизмати тиббӣ ба ҷанговарони интернатсионалист изҳори миннатдорӣ намуданд.