Масъалаҳои рушди татбиқи ислоҳоти соҳаи энергетика ҷиҳати ноил шудан ба ҳадафҳои муқарраршудаи миллӣ дар соҳаи энергияи тоза ва ҳамгироии манбаъҳои барқароршавандаи энергия дар мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо Директори Агентии рушди байналмилалии Амрико / USAID/ Питер Райлӣ баррасӣ шуданд. Дар ин бора аз маркази матбуоти Вазорати энергетика ва захираҳои оби ҷумҳурӣ иттилоъ доданд.
Дар мулоқот ҳамзамон Вилям Ҳолл, мудири кулли Дафтари рушди USAID дар Тоҷикистон ширкат дошт. Ҷонибҳо оид ба масъалаҳои муҳими ҳамкории дуҷониба табодули афкор намуданд.
Дар хотима мусоҳибон омодагии худро барои мусоидат ба рушди минбаъдаи муносибатҳои дуҷониба дар соҳаи энергетика ва захираҳои об изҳор намуданд.
АКС аз Вазорати энергетика ва захираҳои оби ҶТ