Дар Тоҷикистон дар соҳаи истеҳсоли маснуоти заргарӣ ислоҳот гузаронида мешавад, иттилоъ доданд аз Вазорати саноат ва технологияҳои нави Ҷумҳурии Тоҷикистон.
Ин тасмим аз ҷониби Вазорати саноат ва технологияҳои нави Ҷумҳурии Тоҷикистон бо мақсади рушди истеҳсоли маснуоти заргарии кишвар гирифта шудааст. Ҳадафи тасмими мазкур рушди соҳаи истеҳсоли маснуоти заргарӣ дар кишвар ва ба бозорҳои минтақавию ҷаҳонӣ ба фурӯш баровардани маснуоти истеҳсолгардидаи заргарӣ арзёбӣ мегардад.
Тадбири мазкур бо дарназардошти Солҳои рушди саноат эълон гардидани солҳои 2022-2026 андешида шудааст. Дар иртибот ба ин Вазорати саноат ва технологияҳои нави Ҷумҳурии Тоҷикистон аз шахсони ҳуқуқӣ, инфиродӣ, ҳунармандони касбӣ ва шаҳрвандони одӣ эҳтиромона хоҳиш менамояд, ки пешниҳоди худро бо мақсади рушди соҳаи маснуоти заргарӣ ва татбиқи ислоҳот дар ин соҳа ба суроғаи электронии вазорат info@sanoat.tj ирсол намоянд.
АКС аз манбаъҳои боз