4.7 C
Tajikistan
Saturday, June 10, 2023

ИН ПЕШНИҲОД АЗ ҶОНИБИ ПРЕЗИДЕНТИ ТОҶИКИСТОН БУД. Коршиносони кишварҳои ИДМ лоиҳаи нақшаи чорабиниҳои аввалиндараҷаро оид ба татбиқи Стратегияи таъмини амнияти иттилоотӣ баррасӣ намуданд

 25 январ дар Кумитаи иҷроияи ИДМ ҷаласаи онлайнии Гурӯҳи коршиносон доир гардид, ки дар он намунаи ниҳоии лоиҳаи Нақшаи чорабиниҳои аввалиндараҷа оид ба татбиқи Стратегияи таъмини амнияти иттилоотии давлатҳои узви ИДМ баррасӣ гардид. Дар ин бора МД «Ҷаҳоннамо» бо истинод ба хадамоти матбуоти Кумитаи иҷроияи ИДМ хабар медиҳад.

Лоиҳаи ин тарҳро Узбекистон тибқи Консепсияи раёсати ин ҷумҳурӣ дар Иттиҳоди Давлатҳои Мустақил таҳия кардааст.

Моҳи октябри соли 2019 Сарони кишварҳо Стратегияи таъмини амнияти иттилоотии давлатҳои ИДМ-ро тасдиқ намуданд. Стратегия ба санадҳои бунёдии қаблан қабулшуда дар соҳаи амнияти миллӣ ва иттилоотии давлатҳои аъзои ИДМ, аз ҷумла нигоҳ доштани муттасилии муқаррароти асосии Консепсияи ҳамкории кишварҳои ИДМ дар соҳаи таъмини амнияти иттилоотӣ аз 10 октябр, инчунин Созишнома дар бораи ҳамкории давлатҳои аъзои Иттиҳоди Давлатҳои Мустақил дар соҳаи таъмини амнияти иттилоотӣ аз 20 ноябри соли 2013 асос ёфтааст.

Самаранокии татбиқи Стратегия аҳамияти бештар касб  менамояд. Ёдовар мешавем, ки моҳи декабри соли 2020 изҳороти муштараки сарони кишварҳои узви Иттиҳоди Давлатҳои Мустақил оид ба ҳамкорӣ дар соҳаи таъмини амнияти байналмилалии иттилоотӣ қабул шуда буд.

Оид ба зарурати таъмини амнияти иттилоотӣ Президенти Ҷумҳурии Тоҷикистон Эмомалӣ Раҳмон 10 январи имсол зимни суханронӣ дар нишасти ғайринавбатии Шӯрои амнияти дастҷамъии Созмони Аҳдномаи амнияти дастҷамъӣ, ки дар шакли маҷозӣ баргузор гардид, изҳори назар карданд. Сарвари давлат таваҷҷуҳи аъзои Шӯроро ба мавҷудияти ячейкаҳои хуфтаи терроризми байналмилалӣ, ифротгароӣ ва тундгароӣ дар кишварҳои узви СААД ва кӯшишҳои  ҷалбкунию таблиғи онҳо миёни шаҳрвандон равона намуданд. Дар ин замина Эмомалӣ Раҳмон хостори таҳкими фаъолияти муштараки мақомоти салоҳиятдори кишварҳои узви СААД барои муқобила бо ин хатару таҳдидҳо шуданд.

Президенти Ҷумҳурии Тоҷикистон якчанд ташаббусҳо, аз қабили зарурати таҳияи низоми ҳифзи фазои иттилоотиро баён намуданд. «Зарур аст, ки ҳамоҳангсозии муассиртари мақомоти иктишофӣ дар мубориза бо ҷиноятҳои муташаккили фаромиллӣ, аз ҷумла дар фазои киберфазоӣ ба роҳ монда шавад. Дар доираи ИДМ ман аллакай пешниҳод намудам, то системаи ҳифзи фазои иттилоотӣ таҳия карда шавад. Фикр мекунам, ки ин ташаббус барои СААД саривақтӣ ва муҳим ба ҳисоб меравад»,-гуфтанд Сарвари давлат.

Мавриди зикр аст, ки маҳз бо ташаббуси Эмомалӣ Раҳмон ҳанӯз соли 2003 Консепсияи амнияти иттилоотии Ҷумҳурии Тоҷикистон қабул гардид.

ДАР АКС: Форуми байналмилалии коршиносии ИДМ оид ба амнияти иттилоотӣ дар Тошканд, 29 июни соли 2021.

Latest news

Сарони давлатҳои Тоҷикистону Қатар аз қароргоҳи беруназшаҳрии Такоб дар ноҳияи Варзоб боздид намуданд

8 июн дар идомаи сафари давлатии Амири Давлати Қатар ба Ҷумҳурии Тоҷикистон Сарони давлатҳо муҳтарам Эмомалӣ Раҳмон ва муҳтарам Шайх Тамим ибни...

Иштироки Сарвазири мамлакат Қоҳир Расулзода дар ҷаласаи Шўрои сарони ҳукуматҳои ИДМ

Дар шаҳри Сочии Федератсияи Русия ҷаласаи Шўрои сарони Ҳукуматҳо-Сарвазирони кишварҳои аъзои Иттиҳоди давлатҳои мустақил баргузор гардид, ки дар кори он Сарвазири Ҷумҳурии...

Маросими ифтитоҳи Масҷиди ҷомеи марказии шаҳри Душанбе дар ҳошияи сафари давлатии Амири Давлати Қатар ба Ҷумҳурии Тоҷикистон

8 июн Амири Давлати Қатар бо сафари давлатӣ ба Ҷумҳурии Тоҷикистон ташриф оварданд. Асосгузори сулҳу ваҳдати миллӣ — Пешвои...

Мулоқоту музокироти сатҳи олии Ҷумҳурии Тоҷикистон ва Давлати Қатар

 Баррасии масоили ҳамкории Тоҷикистону Қатар дар мулоқоти хосаи Сарони давлатҳо оғоз гардида, дар музокироти васеъ бо иштироки ҳайатҳои расмии ду кишвар идома...

Related news

Сарони давлатҳои Тоҷикистону Қатар аз қароргоҳи беруназшаҳрии Такоб дар ноҳияи Варзоб боздид намуданд

8 июн дар идомаи сафари давлатии Амири Давлати Қатар ба Ҷумҳурии Тоҷикистон Сарони давлатҳо муҳтарам Эмомалӣ Раҳмон ва муҳтарам Шайх Тамим ибни...

Иштироки Сарвазири мамлакат Қоҳир Расулзода дар ҷаласаи Шўрои сарони ҳукуматҳои ИДМ

Дар шаҳри Сочии Федератсияи Русия ҷаласаи Шўрои сарони Ҳукуматҳо-Сарвазирони кишварҳои аъзои Иттиҳоди давлатҳои мустақил баргузор гардид, ки дар кори он Сарвазири Ҷумҳурии...

Маросими ифтитоҳи Масҷиди ҷомеи марказии шаҳри Душанбе дар ҳошияи сафари давлатии Амири Давлати Қатар ба Ҷумҳурии Тоҷикистон

8 июн Амири Давлати Қатар бо сафари давлатӣ ба Ҷумҳурии Тоҷикистон ташриф оварданд. Асосгузори сулҳу ваҳдати миллӣ — Пешвои...

Мулоқоту музокироти сатҳи олии Ҷумҳурии Тоҷикистон ва Давлати Қатар

 Баррасии масоили ҳамкории Тоҷикистону Қатар дар мулоқоти хосаи Сарони давлатҳо оғоз гардида, дар музокироти васеъ бо иштироки ҳайатҳои расмии ду кишвар идома...