-11.6 C
Tajikistan
Sunday, January 29, 2023

Дар ҷашни Сада дар Фархор намунаи ҳунару маҳорати сокинони даҳ ҷамоати шаҳраку деҳот ба намоиш гузошта шуд

Дар Боғи фарҳангу фароғатии ноҳияи Фархор бо ибтикори мақомоти иҷроияи ҳокимияти давлатӣ ҷашни Сада бошукӯҳ таҷлил гардид. Зимни он  гӯшаи намоиши ҳунарҳои миллӣ, мусобиқаҳои варзишӣ, намоиши фурӯши ниҳол, тухмии гулу буттаҳо, гӯшаи дастовардҳои кишоварзон ва маҳсулоти корхонаву коргоҳҳои истеҳсолӣ ташкил шуда, бонувон, толибилмони муассисаҳои таълимӣ, ҳунармандон, кормандони ташкилоту муассиса ва аҳли заҳмати даҳ ҷамоати шаҳраку деҳоти ноҳия намунаи ҳунару маҳорат ва маҳсули меҳнати хешро пешниҳоди ҳозирин гардониданд, хабар доданд аз маркази матбуоти мақомоти иҷроияи ҳокимияти давлатии ноҳияи мазкур.

Дар гӯшаи намоишгоҳ ҳунарҳои чӯбтарошӣ, чакандӯзӣ, гулдӯзӣ, бофандагӣ, ресандагӣ, омода кардани таомҳои миллӣ ва самараи заҳмати кишоварзон дар бахшҳои сабзавоткорӣ, зироаткорӣ, боғдорӣ, растанипарварӣ, истеҳсоли тухмӣ ва дастовардҳои тамоми соҳаи кишоварзӣ ба маъраз гузошта шуданд. Ин тадбир аз пешрафти соҳа ва сол то сол зиёд шудани ҳаҷми истеҳсоли маҷмӯи маҳсулоти кишоварзӣ дарак медиҳад. Дар намоиш дастовардҳои варзишгарони ноҳия низ ба намоиш гузошта шуданд.

Зимни ҳамоиш роҳбарони ноҳия иброз доштанд, ки соли равон кишоварзони ноҳияи Фархор ният доранд дар майдони беш аз 9 ҳазор гектар кишти чигит гузаронанд. Бо ин мақсад аллакай ба қадри кофӣ тухмӣ омода ва захира карда шудааст.

Айни замон дар ноҳия корҳои омодагӣ ба кишту кори баҳорӣ, тоза кардани заҳбуру заҳкашҳо ва навсозии иншооти обрасонӣ бо маром идома дошта, имсол дар асоси нақша бояд қариб 1500 гектар замини солҳо бекорхобида аз нав ба гардиши кишоварзӣ ворид карда шаванд.

Корҳои ободониву сабзазоркунӣ бо риояи талаботи агротехникӣ идома дошта, бояд рӯзҳои наздик боғи миллии ноҳия бо ибтикори мақомоти иҷроияи ҳокимияти давлатӣ пурра навсозӣ ва барои рушди соҳаи пиллапарварӣ тутбоғи нав бунёд карда шавад.

АКСҲО: Маркази матбуоти МИҲД-и н. Фархор

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...