38 нафар хонандагони Гимназияи №1 барои кӯдакони болаёқати шаҳри Душанбе дар Олимпиадаи байналмилалии «GLOBUS» ҷойи ифтихориро сазовор гардиданд, хабар медиҳад МД «Ҷаҳоннамо» бо истинод ба Сарраёсати маорифи шаҳри Душанбе.
357 нафар тарбиятгирандагони Маркази рушди истеъдодҳои шаҳри Душанбе дар Олимпиадаи байналмилалии «GLOBUS» фаъолона иштирок намуда, аз фанҳои забонҳои англисӣ ва русӣ, география, математика ва биология қувваозмоӣ намуданд. Аз ин шумора 38 нафар хонандагон ҷойҳои ифтихорӣ, аз ҷумла 7 нафар ҷойи якум, 6 нафар ҷойи дуюм ва 25 нафар ҷойи сеюмро ишғол намуданд.
19 январ аз ҷониби Муассисаи давлатии «Маркази рушди истеъдодҳои шаҳри Душанбе» ба ғолибони Олимпиадаи байналмилалии «GLOBUS» диплом ва шаҳодатномаҳо тақдим гардиданд.
Олимпиадаи байналмилалии «ГЛОБУС» дар рӯзҳои таътили тирамоҳӣ баргузор гардид, ки дар он тарбиятгирандагони Марказ фаъолона иштирок намуданд.
Олимпиадаи байналмилалии «GLOBUS» аз соли 2013 бо ибтикори Маркази рушди таҳсилоти инноватсионии Федератсияи Русия баргузор шуда, дар он хонандагони синфҳои аз 1 то 11 иштирок мекунанд.
Имсол дар Олимпиадаи байналмилалии «GLOBUS» 17 ҳазору 896 муассисаи таълимии давлатҳои гуногун бо теъдоди умумии 198 ҳазор хонанда ширкат варзиданд.
АКС: Сарраёсати маорифи шаҳри Душанбе