19 январ Сафири Ҷумҳурии Тоҷикистон дар Федератсияи Русия Давлатшоҳ Гулмаҳмадзода дар мулоқоти анъанавии сафирони давлатҳои аъзои ИДМ бо Вазири корҳои хориҷии Федератсияи Русия Сергей Лавров иштирок кард.
«Зимни мулоқот фаъолияти муштарак дар доираи созмонҳои минтақавии ҳудуди ИДМ дар соли 2021 натиҷагирӣ шуд. Миёни ҷонибҳо андешаҳо оид ба тавсеаи минбаъдаи ҳамкорӣ дар соҳаҳои гуногун, инчунин таъмини амнияти минтақавӣ мавриди баррасӣ қарор гирифт»,- иттилоъ доданд дар ВКХ Тоҷикистон.
Масъалаҳои муҳими рӯзномаи минтақавӣ ва байналмилалӣ низ аз мавзӯъҳои меҳварии ин дидор буданд.
Дар мулоқоти мазкур ҳамчунин Раиси Кумитаи иҷроия — Котиби иҷроияи ИДМ Сергей Лебедев ширкат варзид.
АКС: ВКХ ФР