-11.6 C
Tajikistan
Sunday, January 29, 2023

Зарфияти сайёҳии Тоҷикистон дар ҳошияи Намоишгоҳи байналмилалии «ЭКСПО-2020» муаррифӣ гардид

Дар ҳошияи Намоишгоҳи байналмилалии «ЭКСПО-2020», ки дар шаҳри Дубайи Амороти Муттаҳидаи Арабӣ ҷараён дорад, 9 январ Ҳафтаи сайёҳии Тоҷикистон оғоз гардид, ки то 22 январи соли 2022  идома хоҳад кард. Дар ин бора ба АМИТ «Ховар» аз Кумитаи рушди сайёҳӣ хабар доданд.

Дар ин замина 16 январ дар шаҳри Дубай таҳти унвони «Эко – сайёҳӣ дар Тоҷикистон» Форуми сайёҳӣ баргузор гардид, ки дар он намояндагони Кумитаи рушди сайёҳии назди Ҳукумати Ҷумҳурии Тоҷикистон, Сафорати Ҷумҳурии Тоҷикистон дар АМА, Корхонаи воҳиди давлатии “Маркази иттилооотии хизматрасониҳои сайёҳӣ”-и Кумитаи рушди сайёҳӣ, ширкатҳои сайёҳии ватанӣ ва ширкатҳои сайёҳии АМА, инчунин доираҳои сайёҳӣ иштирок намуданд.

Форумро Кумитаи рушди сайёҳӣ дар ҳамкорӣ бо Сафорати Ҷумҳурии Тоҷикистон дар АМА ва Палатаи савдо ва саноат ташкил намуд.

Дар маросими ифтитоҳи форум муовини якуми раиси Кумитаи рушди сайёҳӣ Ҳабибулло Амирбекзода ва Сафири Тоҷикистон дар АМА Баҳодур Шарифӣ суханронӣ намуда, оид ба имконияти бузурги сайёҳии Тоҷикистон, аз ҷумла сайёҳии экологӣ, таърихиву фарҳангӣ, табобатию солимгардонӣ ва саргузаштию шикор, обҳои шифобахш ва табобатӣ ба ширкаткунандагони ҳамоиш маълумоти муфассал манзур намуданд, ки аз ҷониби иштирокчиён бо таваҷҷуҳи зиёд қабул гардид.

Дар самти рушди сайёҳии Тоҷикистон вобаста ба ҷорӣ гардидани низоми раводиди электронӣ аз 1 январи соли 2022 тартиби пешниҳоди низоми бераводид бо 52 мамлакати дунё, эълон гардидани соли 2018  Соли рушди сайёҳӣ ва ҳунарҳои мардумӣ, солҳои 2019-2021 Солҳои рушди деҳот, сайёҳӣ ва ҳунарҳои мардумӣ, эътироф шудани соҳаи сайёҳии Тоҷикистон аз тарафи ҷомеаи ҷаҳонӣ маълумоти муфассал пешниҳод шуд, ки ҷониби соҳаи сайёҳии АМА-ро мутаассир гардонида, ҷалб намуд.

Аз ҳозирин даъват гардид, ки ба мавзеъҳои нотакрори сайёҳии Тоҷикистон ташриф оварда, бо таъриху фарҳанги бойи қадима, оинҳои мардумӣ, кӯҳҳои осмонбўсу обҳои мусаффо, манзараҳои дилфиребу табиати биҳиштосои тоҷикон шинос шуда, ҳам истироҳат намоянд ва ҳам табобат гиранд.

Пас аз анҷоми форум меҳмонон ба павилиони Ҷумҳурии Тоҷикистон дар ЭКСПО-2020 ташриф оварда, бо имконияти сайёҳӣ, сарчашмаҳои обҳои мусаффо ва шифобахш, ҳайвоноти нодир, таъриху фарҳанг, иқтидорҳои саноатӣ ва содиротӣ, намунаҳои молҳои истеҳсолӣ, имконияти сармоягузорӣ ва дастовардҳои Тоҷикистон дар даврони истиқлолият шинос шуданд.

Ҳамчунин ширкатҳои сайёҳии ватанӣ бо ҳамтоёни худ оид ба мубодилаи сафарҳои сайёҳӣ ва ба роҳ мондани ҳамкории қавии муштарак гуфтушунид намуданд.

Намоишгоҳи мазкур платформаи муҳим оид ба имконияти сайёҳии ҳар  давлат маҳсуб мешавад.

Қобили зикр аст, ки бо дастгирии ҳамешагии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати ҷумҳурӣ намояндагони Тоҷикистон дар намоишгоҳҳои бонуфузи ҷаҳонӣ ҳамчун узви комилҳуқуқи Созмони умумиҷаҳонии сайёҳӣ барои таблиғи захираҳои сайёҳии кишвар иштирок менамоянд.

Иштирок ва муаррифии ҳарчи бештари захираҳои сайёҳии Тоҷикистон дар Намоишгоҳи байналмилалии “ЭКСПО-2020” хеле ба маврид буда, имконият медиҳад, ки байни ширкатҳои сайёҳии ватанию хориҷӣ қарордодҳои ҳамкорӣ ба имзо расонида шуда, ҷалби сайёҳони хориҷӣ аз қораи Осиё ба Ҷумҳурии Тоҷикистон ба маротиб зиёд карда шавад.

Ба иттилои Сафорати Тоҷикистон дар АМА, шурӯъ аз аввали кушодашавии ЭКСПО-2020 дар шаҳри Дубай то имрӯз ба павилиони Ҷумҳурии Тоҷикистон дар ЭКСПО-2020 зиёда аз 350 ҳазор нафар меҳмонон аз кишварҳои гуногуни дунё ташриф овардаанд.

АКСҲО: Кумитаи рушди сайёҳӣ

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...