10.8 C
Tajikistan
Friday, September 30, 2022

Риояи қатъии қоидаҳои беҳдоштӣ хатари бемории зукомро кам мекунад

 Бар асари паст гардидани ҳарорати ҳаво паҳншавии бемориҳои роҳи нафас, аз ҷумла зуком афзоиш ёфтааст, ҳушдор медиҳад Маркази назорати давлатии санитарию эпидемиологии вилояти Суғд. Аз ин лиҳоз марказ ба сокинон пӯшидани либосҳои гармро дар рўзҳои сард ва риояи қатъии қоидаҳои беҳдоштиро тавсия медиҳад.

Тавре маълум аст, ҳамарӯза аз ҷониби Ҳукумати Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Мақомоти иҷроияи ҳокимияти давлатии вилояти Суғд ҷиҳати пешгирӣ ва табобати коронавируси нави CОVID-19 тамоми тадбирҳо ва тадбирҳои зарурӣ андешида  шуда истодаанд. Ҳарчанд рӯзҳои охир ҳолатҳои сироятёбӣ ба қайд гирифта нашуда бошанд ҳам, вале мо бояд хеле ҳушёр бошем, зеро дар кишварҳои Аврупо ва минтақа аз хуруҷи мавҷҳои нави бемории коронавирус, бахусус навъи «омикрон» хушдор медиҳанд. Сироятшиносон омили асосии онро дар риоя нашудани қоидаҳои беҳдоштӣ, бидуни ниқоб ба кўча баромадан,  риоя накардани масофа дар мавзеъҳои ҷамъиятӣ ва аз ҳама асосӣ- нагузаштан аз иммунизатсия бар зидди ин беморӣ медонанд.

Нафарони гирифтори штамми нави «омикрон» назар ба беморони гирифтори штамми «делта» бемориро каме сабуктар мегузаронанд. Аммо ин маънои онро надорад, ки одамон гирифтори бемории вазнин нахоҳанд шуд. Бемории «омикронӣ»-ро низ мисли ҳолатҳои қаблӣ дарди сар, табларза ва осеби шуш ҳамроҳӣ мекунанд, ки ин аломатҳоро Созмони ҷаҳонии тандурустӣ дар тамоми штаммҳо мушоҳида намудааст. Фаҳмидани он ки кӣ гирифтори «омикрон» шудаву кӣ аз «делта» сироят ёфтааст, ҳоло аз ҷиҳати клиникӣ қариб ки ғайриимкон гардидааст. Илова бар ин, дар мавриди гирифторӣ ба «омикрон» ҳамон усулҳо ва доруҳое, ки барои намудҳои қаблӣ буданд, самаранок мебошанд.

Эмкунии бустерӣ (ваксинатсияи такрорӣ ё реваксинатсия) дар одамони пурра ваксинашуда муҳофизати боэътимодро аз COVID таъмин мекунад. Бахусус  ба насли  калонсоли ваксинашуда тавсия дода мешавад, ки ҳарчӣ зудтар як маротибаи дигар  аз эмкунӣ гузаранд. Онҳое, ки то ҳол ваксина нагирифтаанд, бояд фавран эм карда шаванд.

Бояд дар тамоми муассисаҳо, новобаста аз шакли моликият тадбирҳои безараргардонӣ ҳамарӯза пурзӯр карда шаванд.

«Мо бояд хуб дарк намоем, ки саломатии мо дар дасти худамон аст. Ба роҳ мондани тарзи ҳаёти солим, риояи қоидаҳои беҳдоштӣ, машғул шудан ба корҳои фоиданок, банд намудани фикри худ ба орзую омоли интихобнамудаамон дар зиндагӣ, хушбин будан дар ҳаёт моро аз чанголи ҳама гуна беморӣ мераҳонад»,- омадааст дар муроҷиатнома.

АКС аз хадамоти матбуоти Раиси вилояти Суғд

Latest news

«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад

 Конференсияи байналмилалии илмӣ-амалии «Бехатарии обӣ – асоси рушди устувор» бахшида ба Даҳсолаи байналмилалии амал «Об барои рушди уствувор, солҳои 2018- 2028» ва...

Пешвои миллат Эмомалӣ Раҳмон дастур доданд, ки Маркази миллии тарҷумаи назди Ҳукумати Тоҷикистон таъсис дода шавад

Имрӯз Пешвои миллат муҳтарам Эмомалӣ Раҳмон супориш доданд, ки Маркази миллии тарҷумаи назди Ҳукумати Ҷумҳурии Тоҷикистон таъсис дода шавад, хабар медиҳад АМИТ...

Сарвари давлат Эмомалӣ Раҳмон дар шаҳри Душанбе Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор доданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии...

Президенти мамлакат Эмомалӣ Раҳмон бо аҳли маорифи пойтахт дар Донишкадаи давлатии забонҳои Тоҷикистон ба номи Сотим Улуғзода мулоқот намуданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи биноҳои нави Донишкадаи давлатии забонҳои...

Related news

«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад

 Конференсияи байналмилалии илмӣ-амалии «Бехатарии обӣ – асоси рушди устувор» бахшида ба Даҳсолаи байналмилалии амал «Об барои рушди уствувор, солҳои 2018- 2028» ва...

Пешвои миллат Эмомалӣ Раҳмон дастур доданд, ки Маркази миллии тарҷумаи назди Ҳукумати Тоҷикистон таъсис дода шавад

Имрӯз Пешвои миллат муҳтарам Эмомалӣ Раҳмон супориш доданд, ки Маркази миллии тарҷумаи назди Ҳукумати Ҷумҳурии Тоҷикистон таъсис дода шавад, хабар медиҳад АМИТ...

Сарвари давлат Эмомалӣ Раҳмон дар шаҳри Душанбе Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор доданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии...

Президенти мамлакат Эмомалӣ Раҳмон бо аҳли маорифи пойтахт дар Донишкадаи давлатии забонҳои Тоҷикистон ба номи Сотим Улуғзода мулоқот намуданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи биноҳои нави Донишкадаи давлатии забонҳои...