-27 C
Tajikistan
Thursday, January 27, 2022

Дар Маҷлиси намояндагон оид ба таърихи пайдоиш ва аҳамияти ҳуқуқии Паёми Президенти Ҷумҳурии Тоҷикистон ҳамоиш баргузор гардид

Имрӯз дар китобхонаи Маҷлиси намояндагони Маҷлиси Олии Ҷумҳурии Тоҷикистон бо ташаббуси дастгоҳи Маҷлиси намояндагон дар мавзӯи «Таърихи пайдоиш ва аҳамияти ҳуқуқии Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон» ҳамоиш баргузор гардид, ки дар он роҳбари дастгоҳи ин мақоми олии қонунбарор Абдуҷаббор Сатторзода  сухан гуфт.

Дар ҳамоиш ҳозирин оид ба таърихи пайдоиш ва аҳамияти ҳуқуқии Паёми Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» сухан карда, зикр карданд, ки Паёми ҳарсолаи Президенти Ҷумҳурии Тоҷикистон муҳтарам Эмомалӣ Раҳмон барномаи рушди ҷомеа ва давлат маҳсуб шуда, самтҳои асосии ҳаёти иҷтимоӣ, иқтисодӣ, сиёсӣ ва фарҳангии мамлакатро муайян менамояд. Пеш аз ҳама, ин таҳлили тамоми соҳаҳои ҳаёти Ҷумҳурии Тоҷикистон ва дар асоси он муайян намудани дурнамои он дар солҳои наздик мебошад.

Иброз карда шуд, ки дар Паёми имсола Пешвои миллат масоили  таълиму тарбия дар донишгоҳҳо, касбомӯзии ҷавонон, ташкили ҷойҳои корӣ ва ҷобаҷогузории кадрҳоро махсус таъкид намуданд.

Дар замони соҳибистиқлолӣ шумораи ҷавонони боистеъдоде, ки барои таҳсил ба хориҷи кишвар фиристода мешаванд, сол ба сол афзоиш ёфта, дар соли таҳсили 2021 ба беш аз 42 ҳазор нафар дар 25 давлати хориҷӣ расидааст.Аз 42 ҳазор нафар донишҷӯёни мо, ки дар муассисаҳои таҳсилоти олии касбии кишварҳои хориҷӣ таҳсил доранд, зиёда аз 8 ҳазор нафарашон духтарон мебошанд.

Ҳар сол беш аз 5 ҳазор нафар ҷавонони боистеъдоди мамлакат барои таҳсил ба мактабҳои олии хориҷи кишвар фиристода мешаванд.

Президенти Ҷумҳурии Тоҷикистон Ҳукумати кишварро вазифадор намуданд, ки то соли 2026 шаҳрвандони аз 18-сола боло, ки касбу ҳунар надоранд, ба касбу ҳунаромӯзӣ ҷалб карда, ҷиҳати саросар соҳибкасб гардидани аҳолӣ тадбирҳои иловагиро роҳандозӣ намояд. Дар панҷ соли оянда як миллион нафар шаҳрвандони ҷумҳурӣ бояд соҳибкасб гардонида шаванд.

Пешвои миллат дар Паёмашон зикр намуданд, ки ҳадафи олии давлат ва Ҳукумати мамлакат беҳтар кардани шароити зист ва баланд бардоштани сатҳу сифати зиндагии мардум мебошад. Дар ин замина, дар бист соли охир 3 ҳуҷҷати стратегии паст кардани сатҳи камбизоатӣ, 2 барномаи баланд бардоштани сатҳи некӯаҳволии мардум ва стратегияи дарозмуддати рушди кишвар қабул ва амалӣ гардида, ҳоло татбиқи Стратегияи миллии рушд барои давраи то соли 2030 ва 176 барномаи давлатӣ идома дорад.

Пешвои миллат бинобар аҳамияти бузурги соҳаи саноат дар рушди минбаъдаи мамлакат, ҳалли масъалаҳои иҷтимоиву иқтисодӣ ва таъмин намудани иҷрои ҳадафҳои стратегии миллӣ, аз ҷумла раванди саноатикунонии босуръати кишвар пешниҳод намуданд, ки солҳои 2022–2026, яъне то ҷашни 35-солагии Истиқлолияти давлатии Тоҷикистон Солҳои рушди саноат эълон карда шаванд.

Дар ин давра бояд беш аз 500 ҳазор ҷойҳои нави корӣ таъсис ёфта, даромади пулии аҳолӣ беш аз 2 баробар зиёд гардад ва ҳиссаи табақаи миёнаи аҳолӣ ба 45 фоиз расонида, дар натиҷа сатҳи камбизоатӣ то 15 фоиз коҳиш дода шавад.

Сарвари давлат бо мақсади мусоидат ба ҳалли масъалаҳои шуғли аҳолӣ супориш доданд, ки Консепсияи рушди шуғли пурмаҳсул дар Ҷумҳурии Тоҷикистон барои давраи то соли 2040, инчунин барномаҳои миёнамуҳлати татбиқи он қабул ва амалӣ карда шаванд. Ҳамзамон иброз намуданд, ки танҳо аз ҳисоби рушди соҳаҳои хизматрасонӣ, аз ҷумла сайёҳӣ, молияву бонкдорӣ, нақлиёту коммуникатсия ва дигар бахшҳо бояд то 200 ҳазор ҷойи нави корӣ таъсис дода шавад.

Президенти Ҷумҳурии Тоҷикистон дар Паёмашон нисбат ба  нақши бонувону занон дар эъмори ҷомеаи демократӣ ва дунявӣ махсусан зикр намуданд, ки тибқи маълумоти оморӣ, занон 49,3 фоизи аҳолии кишварро ташкил медиҳанд. Имрӯз дар кишвар соҳае нест, ки занону бонувони тоҷик дар он фаъолияти пурсамар надошта бошанд ва таъкид намуданд, ки маҳз ба ҳамин хотир баланд бардоштани мақоми иҷтимоии занон, аз ҷумла дар мақомоти роҳбарикунанда ҳамеша дар мадди назари Ҳукумати мамлакат қарор дорад. Бо дарназардошти ин ва бо мақсади амалӣ намудани ҳадафҳои Стратегияи миллии рушди Ҷумҳурии Тоҷикистон барои давраи то соли 2030 ҷиҳати то 30 фоиз расонидани хизматчиёни давлатӣ ва то 25 фоиз расонидани кадрҳои роҳбарикунанда аз ҳисоби занону бонувони лаёқатманд Пешвои миллат ба мақомоти ваколатдор супориш доданд, ки дар муҳлати се моҳ «Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону бонувони болаёқат барои солҳои 2023–2030» таҳия ва ба Ҳукумати мамлакат пешниҳод карда шавад.

Ҳамин тавр, Паёми навбатии соли 2021 бори дигар собит сохт, ки Тоҷикистони соҳибистиқлол таҳти роҳбарии хирадмандонаи Пешвои миллат боз як марҳилаи таърихии давлатиро сипарӣ намуд. Аз Паёми ироагардида бармеояд, ки ҳар сухани Президенти Ҷумҳурии Тоҷикистон муҳтарам Эмомалӣ Раҳмон моҳият, мазмун ва мундариҷаи инъикоси ҳаёти воқеии халқи тоҷик буда, дар он шукргузории истиқлолу озодӣ ва соҳибватаниву соҳибдавлатӣ тараннум гардидааст.

АКС: МН МО ҶТ

Latest news

Дар ноҳияи Мастчоҳ коргоҳи истеҳсоли кислород бунёд мешавад

Дар ноҳияи Мастчоҳ корҳои таъмиру навсозии шуъбаҳои ҷарроҳӣ, амрози занони ҳомила ва сохтмони коргоҳи истеҳсоли кислород дар Беморхонаи марказии ноҳия идома доранд....

Дар ноҳияи Шуғнон бунгоҳҳои саломатӣ ва толори варзишӣ сохта мешаванд

Давоми соли 2022 дар ҳудуди ноҳияи Шуғнон дар доираи «Лоиҳаи таҳкими устувории иҷтимоӣ-иқтисодӣ» аз ҷониби Бунёди миллии иҷтимоии маблағгузории Тоҷикистон ду бунгоҳи...

Қарорҳои Ҳукумати Ҷумҳурии Тоҷикистон

ҲУКУМАТИ ҶУМҲУРИИ ТОҶИКИСТОНҚАРОРаз 26 январи соли 2022 №3ш. Душанбе Дар бораи аз вазифаи муовини якуми вазирикишоварзии Ҷумҳурии...

Фармонҳои Президенти Ҷумҳурии Тоҷикистон

ФАРМОНИПРЕЗИДЕНТИ ҶУМҲУРИИ ТОҶИКИСТОН Дар бораи аз вазифаи вазири кишоварзииҶумҳурии Тоҷикистон озод намудани Зиёзода С.Р.

Related news

Дар ноҳияи Мастчоҳ коргоҳи истеҳсоли кислород бунёд мешавад

Дар ноҳияи Мастчоҳ корҳои таъмиру навсозии шуъбаҳои ҷарроҳӣ, амрози занони ҳомила ва сохтмони коргоҳи истеҳсоли кислород дар Беморхонаи марказии ноҳия идома доранд....

Дар ноҳияи Шуғнон бунгоҳҳои саломатӣ ва толори варзишӣ сохта мешаванд

Давоми соли 2022 дар ҳудуди ноҳияи Шуғнон дар доираи «Лоиҳаи таҳкими устувории иҷтимоӣ-иқтисодӣ» аз ҷониби Бунёди миллии иҷтимоии маблағгузории Тоҷикистон ду бунгоҳи...

Қарорҳои Ҳукумати Ҷумҳурии Тоҷикистон

ҲУКУМАТИ ҶУМҲУРИИ ТОҶИКИСТОНҚАРОРаз 26 январи соли 2022 №3ш. Душанбе Дар бораи аз вазифаи муовини якуми вазирикишоварзии Ҷумҳурии...

Фармонҳои Президенти Ҷумҳурии Тоҷикистон

ФАРМОНИПРЕЗИДЕНТИ ҶУМҲУРИИ ТОҶИКИСТОН Дар бораи аз вазифаи вазири кишоварзииҶумҳурии Тоҷикистон озод намудани Зиёзода С.Р.