-3.3 C
Tajikistan
Friday, March 31, 2023

АЗ ҲАМА БЕШТАР МОЛҲОИ ТОҶИКИСТОНРО ШВЕЙТСАРИЯ МЕХАРАД. 5 кишвари асосии шарики содиротии Тоҷикистон номбар шуданд

39,2%-и ҳаҷми умумии содироти мол аз Тоҷикистон ба Швейтсария рост меояд. Дар ин бора аз Вазорати рушди иқтисод ва савдои Ҷумҳурии Тоҷикистон хабар  доданд.

Шарикони асосии содиротии Тоҷикистон дар соли 2021 Швейтсария, Қазоқистон, Туркия, Чин ва Узбекистон гардиданд.

Ба Швейтсария 39,2% аз ҳаҷми умумии содирот рост меояд. Ин нишондиҳанда бо Қазоқистон 16,5%-ро ташкил медиҳад. Ба ин кишварҳо асосан металлҳои қиматбаҳо, молҳои металлургияи ранга – алюминийи аввалия, нахи пахта ва ғайра содирот карда мешаванд.

Ҳаҷми мубодилаи мол бо Қазоқистон дар давраи ҳисоботӣ беш аз 1млрд. 39,1 млн долларро ташкил медиҳад.

Афзоиши назарраси содирот нисбат ба воридот дар амалиёти тиҷоратӣ бо Швейтсария ба қайд гирифта шуда, 688,8 миллион долларро ташкил дод. Ҳаҷми табодули мол бо ин кишвар дар ин давра беш аз $726,4 миллионро фаро мегирад, ки зиёда аз 707,6 млн доллари он ба содироти молҳои Тоҷикистон рост меояд.

Қобили зикр аст, ки вохӯрии Президенти Ҷумҳурии Тоҷикистон Эмомалӣ Раҳмон бо намояндагони доираҳои соҳибкорӣ ва сармоягузорӣ, роҳбарони ширкатҳои Швейтсария, ки 6 ноябри соли 2019 дар Сюрих дар доираи сафари расмии Сарвари давлат баргузор гардида буд, ба рушди содироти мол аз Тоҷикистон ба Швейтсария таъсири амиқ расонид. Дар ин мулоқот Сарвари давлат суханронии пурмазмуну муфассал намуд, самтҳои ҷолиби диққати иқтисоди Тоҷикистон муаррифӣ гардида, чанд созишномаи ҳамкорӣ ба имзо расиданд.

Ёдовар мешавем, ки дар ҳаҷми умумии мубодилаи мол бо кишварҳои хориҷӣ дар сархати аввал Русия қарор дорад. Табодули мол миёни Тоҷикистон ва ФР дар моҳҳои январ-ноябри соли сипаригардида 1 млрд 132,3 млн-ро ташкил дод.

Ба номгӯи молҳои асосии содиротӣ ба хориҷа инҳо дохил мешаванд: алюминийи аввалия, нахи пахта, металлҳои қиматбаҳо ва меваҳои хушк.

Воридоти мол ба Тоҷикистон аз Русия – 28,8% аз ҳаҷми умумии воридот, Қазоқистон – 20% ва Чин – 16,9% сурат гирифтааст.

Дар моҳҳои январ-ноябри соли 2021 маблағи содиротии мол ба беш аз $1,8 млрд ва воридот ба зиёда аз $3,7 млрд расид.

ДАР АКС: лаҳзаи вохӯрии Президенти ҶТ бо доираҳои соҳибкории Швейтсария 6 ноябри соли 2019 дар шаҳри Сюрих. Акс: Хадамоти матбуоти Президенти ҶТ

Latest news

Гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ сафар намуд

Дирӯз гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ, ки дар...

Бо дастури Президенти Тоҷикистон барои бартарафсозии оқибатҳои заминларза Комиссияи ҷумҳуриявӣ таъсис дода шуд

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти роҳбарии Сарвазири мамлакат Қоҳир Расулзода Комиссияи...

Дар қаламрави Тоҷикистон заминларза ба амал омад

Имрӯз, 23 март, соати 01:07 ба вақти маҳаллӣ дар қаламрави Ҷумҳурии Тоҷикистон заминларза ба қайд гирифта шуд. Дар ин хусус АМИТ «Ховар»...

Суханронии Президенти Ҷумҳурии Тоҷикистон Эмомалӣ Раҳмон дар чорабинии канории «Харитаи роҳ барои соли 2025: Соли байналмилалии ҳифзи пиряхҳо»

22.03.2023, Иёлоти Муттаҳидаи Амрико Муҳтарам Дабири Кулли Созмони Милали Муттаҳид,Муҳтарам иштирокдорони чорабинӣ,Хонумҳо ва ҷанобон, Пеш...

Related news

Гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ сафар намуд

Дирӯз гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ, ки дар...

Бо дастури Президенти Тоҷикистон барои бартарафсозии оқибатҳои заминларза Комиссияи ҷумҳуриявӣ таъсис дода шуд

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти роҳбарии Сарвазири мамлакат Қоҳир Расулзода Комиссияи...

Дар қаламрави Тоҷикистон заминларза ба амал омад

Имрӯз, 23 март, соати 01:07 ба вақти маҳаллӣ дар қаламрави Ҷумҳурии Тоҷикистон заминларза ба қайд гирифта шуд. Дар ин хусус АМИТ «Ховар»...

Суханронии Президенти Ҷумҳурии Тоҷикистон Эмомалӣ Раҳмон дар чорабинии канории «Харитаи роҳ барои соли 2025: Соли байналмилалии ҳифзи пиряхҳо»

22.03.2023, Иёлоти Муттаҳидаи Амрико Муҳтарам Дабири Кулли Созмони Милали Муттаҳид,Муҳтарам иштирокдорони чорабинӣ,Хонумҳо ва ҷанобон, Пеш...