20-25 декабр дар шаҳри Душанбе вохӯрии навбатии гурӯҳҳои кории ҳайатҳои ҳукуматии Тоҷикистон ва Узбекистон дар Комиссияи муштараки демаркатсионӣ баргузор гардид. Дар ин бора МД «Ҷаҳоннамо» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни нишаст тарафҳо натиҷаи корҳои геодезӣ-топографӣ, аэроаксгирӣ ва демаркатсиониеро, ки соли 2021 анҷом дода шудаанд, ҷамъбаст карда, нақшаи ҷадвали вохӯриҳои гурӯҳҳои кориро барои соли 2022 мувофиқа намуданд.
Тарафҳо ба мувофиқа расиданд, ки вохӯрии навбатӣ дар Ҷумҳурии Узбекистон барпо гардад.
Вохӯрӣ дар фазои дӯстӣ ва ҳамдигарфаҳмӣ гузашт.
Дар хатми мулоқот санади дахлдор ба имзо расид.