Дар шаҳри Хуҷанд шуъбаи гемодиализи Беморхонаи клиникавии N1-и ба номи С.Урунов баъд аз таъмири пурра мавриди истифода қарор дода шуд. Шуъбаи мазкур бо 3 адад дастгоҳи диализатори муосир таҷҳизонида шуда, дар он тамоми шароит ва имконоти мусоид барои муолиҷаи беморони дорои бемориҳои музмини гурда фароҳам оварда шудааст, иттилоъ доданд аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Шуъбаи гемодиализи Беморхонаи клиникавии N1 бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳамкорӣ бо лоиҳаи «TIKA» таъмири пурра гардида, ба истифода дода шуд.
Зикр шуд, ки шуъбаи мазкур дар миқёси вилоят ягона буда, ба беморон аз тамоми шаҳру навоҳии вилоят хизмат мерасонад.
АКС: Вазорати тандурустӣ ва ҳифзи иҷтимоии аҳолии ҶТ