Имрӯз, 15 декабр, Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Япония дар Ҷумҳурии Тоҷикистон Такаюкӣ Мияшитаро бино ба анҷом ёфтани фаъолияти дипломатиаш дар Тоҷикистон ба ҳузур пазируфт. Дар ин бора МД «Ҷаҳоннамо» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот ҷонибҳо масъалаҳои густариши минбаъдаи муносибатҳои дуҷонибаи Тоҷикистон ва Японияро дар заминаҳои гуногун баррасӣ намуданд.
Дар анҷоми мулоқот Сироҷиддин Муҳриддин ба Такаюкӣ Мияшита барои саҳми назаррас дар таҳкими ҳамкории дуҷониба изҳори миннатдорӣ намуда, ба мавсуф дар маъмурияти баъдии дипломатиаш комёбиҳо орзу намуд.
Ёдовар мешавем, ки Сафири Япония дар Ҷумҳурии Тоҷикистон Такаюкӣ Мияшита 20 ноябри соли 2019 дар Қасри миллат ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон эътимоднома супорида буд.
АКС: ВКХ ҶТ