8 декабр дар шаҳри Тошканд мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Намояндаи махсуси Иттиҳоди Аврупо дар Осиёи Марказӣ Тери Хакала баргузор гардид, хабар медиҳад МД «Ҷаҳоннамо» бо истинод ба ВКХ Тоҷикистон.
«Дар мулоқот ҷонибҳо роҷеъ ба ҷанбаҳои калидии шарикии Тоҷикистон ва Иттиҳоди Аврупо, аз ҷумла дар соҳаҳои сиёсӣ, амният ва ҳамкории минтақавӣ табодули назари судманд доштанд», -иброз намуданд дар ВКХ ҷумҳурӣ.
Дар ҷараёни вохӯрӣ ҳамчунин масъалаҳои рӯзномаи минтақавӣ, аз ҷумла вазъи амниятӣ дар Афғонистон ва мавзӯъҳои байналмилалии мавриди эҳтимоми муштарак баррасӣ шуданд.
Ёдовар мешавем, ки Вазири корҳои хориҷии Ҷумҳурии Тоҷикистон Сироҷиддин Муҳриддин 8 декабр дар Конфронси дуюми вазирони «Италия – Осиёи Марказӣ» дар қолаби С5+1 дар Тошканд иштирок намуд.
АКС: ВКХ ҶТ