Вазири корҳои хориҷии Ҷумҳурии Тоҷикистон Сироҷиддин Муҳриддин бо Дабири кулли Созмони амният ва ҳамкорӣ дар Аврупо (САҲА) Ҳелга Шмид 2 декабр дар Стокҳолм дар ҳошияи иҷлосияи 28-уми Шӯрои вазирони САҲА вохӯрӣ намуд.
Зимни мулоқот ҷонибҳо атрофи масъалаҳои таҳкими робитаҳои Тоҷикистон ва САҲА дар асоси се ченаки созмон, инчунин ҳамкорӣ дар чаҳорчӯби «Раванди Душанбе» оид ба мубориза бо терроризм ва маблағгузории он, ташаббусҳои байналмилалии кишвар марбут ба масоили об ва дигар мавзӯъҳои мавриди таваҷҷуҳи тарафайн мубодилаи афкор намуданд.
АКС: ВКХ ҶТ