2.2 C
Tajikistan
Monday, June 5, 2023

Рустами Шоҳмурод дар ҳамоиши СААД иштирок намуд

Имрӯз раиси кумитаи Маҷлиси намояндагон оид ба тартиботи ҳуқуқӣ, мудофиа ва амният Рустами Шоҳмурод дар ҳамоиши СААД дар мавзӯи «15-солагии Ассамблеяи Байнипарлумонии Созмони Аҳдномаи Амнияти Дастҷамъӣ» дар реҷаи маҷозӣ иштирок намуд.

Мавсуф  иброз намуд, ки  имрӯз аз қабули қарор дар бораи ташаккули ҷанбаи парлумонии СААД дар чаҳорчӯби АБ ИДМ  15 сол сипарӣ мешавад. Ассамблеяи Байнипарлумонии СААД  барои пешбурди ҳадафҳо ва вазифаҳое, ки СААД ҳамчун созмони дифоии минтақавӣ амалӣ мекунад, ташкил шудааст.

«Ин созмон  дар фароҳам овардани шароити меъёрию ҳуқуқӣ барои фаъолияти низоми амнияти дастаҷамъӣ нақши муҳим мебозад. Санадҳои намунавии қонунгузорӣ, тавсияҳо ва дигар санадҳои меъёрии ҳуқуқии Ассамблеяи Байнипарлумонӣ дар баробари баланд бардоштани самаранокии раванди таҳияи қонуни намунавӣ ба таҳияи равишҳои умумӣ оид ба рушди ҳамкории ҳамгироӣ, фаъолсозии самтҳои гуногуни давлатҳои аъзо ва ҳамкории СААД мусоидат мекунанд»,-гуфт Рустам Шоҳмурод ва афзуд, ки «то  имрӯз дар сандуқи қонунгузории Ассамблея беш аз 70 қонуни намунавӣ ва тавсияҳо оид ба наздик кардани қонунгузории кишварҳои узви СААД мавҷуданд».

Барномаи нави фаъолияти Ассамблеяи Байнипарлумонии СААД барои наздиксозӣ ва ҳамоҳангсозии қонунгузории миллии кишварҳои узви СААД барои солҳои 2021-2025 боз 30 қонуни намунавӣ ва тавсияҳои дигарро оид ба танзими қонунгузорӣ дар соҳаи амнияти рақамӣ ва иқтисодӣ, ҳифзи иттилоот, мубориза бар зидди терроризм, экстремизм ва ҷиноятҳои муташаккил дар бар мегирад.

Ҳамзамон раиси кумитаи мазкур тазаккур дод, ки Парлумони Ҷумҳурии Тоҷикистон бо дарназардошти вазифаҳои стратегӣ ва афзалияти рушди СААД, инчунин афзоиши ташаннуҷ ва таҳаввулоти муносибатҳои байналмилалӣ ба санадҳои намунавӣ дар соҳаи таъмини амнияти миллии кишварҳои узви СААД таваҷҷуҳи махсус зоҳир намуда, мубориза бар зидди терроризм ва экстремизм, паҳншавии маводи мухаддир ва прекурсорҳо, ҷиноятҳои фаромиллӣ ва мубориза бо коррупсияро пурзӯр намудааст.

Дар маҷмуъ, бояд гуфт, ки Маҷлиси Олии Ҷумҳурии Тоҷикистон ҷиҳати татбиқи барномаи Ассамблеяи Байнипарлумонии СААД ҷиҳати наздиксозӣ ва ҳамоҳангсозии қонунгузории миллии кишварҳои узви ин созмон корҳои мунтазам анҷом дода истодааст.

Дар назди иштирокчиёни ҳамоиш ҳамчунин муовини раиси кумитаи Думаи давлатии Маҷлиси федералии Федератсияи Русия оид ба амният ва мубориза бо коррупсия, раиси кумитаи доимии АБ СААД оид ба мудофиа ва амният Анатолий Виборный сухан намуд.

АКС: МН МО ҶТ

Latest news

НОСОЗГОРИИ ИҚТИСОДИ ҶАҲОН ВА ТАЪМИНИ АМНИЯТИ ИҚТИСОДӢ. Андеша ва пешниҳодҳои коршинос вобаста ба ин мавзуъ

 Вазъи кунунии ҷаҳони имрӯз ба раванди иқтисодиёти ҷаҳон таъсири худро бевосита мерасонад, ки рӯз то рӯз ба бархӯрдҳои геосиёсӣ, низоъҳои тиҷоратӣ ва...

Корҳои сохтмонӣ дар қитъаи роҳи Қалъаихумб-Ванҷ то даромадгоҳи Рӯшон бо суръат идома дорад

Бо супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон аз моҳи сентябри соли 2022 корҳои таҷдиду навсозии роҳи мошингарди...

Дар вилояти Суғд дар майдони зиёда аз 152,6 гектар кишти зироати баҳорӣ гузаронида шуд

Дар вилояти Суғд нақшаи кишти зироати баҳорӣ 174 735 гектарро ташкил дода, то имрӯз дар майдони 152 645 гектар зироат кишт  шудааст....

Президенти Ҷумҳурии Тоҷикистон Эмомалӣ Раҳмон дар шаҳри Москва аз Паради низомӣ бахшида ба 78-умин солгарди Рӯзи Ғалаба боздид намуданд

 9 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз чорабиниҳои тантанавӣ бахшида ба ҷашни 78-солагии...

Related news

НОСОЗГОРИИ ИҚТИСОДИ ҶАҲОН ВА ТАЪМИНИ АМНИЯТИ ИҚТИСОДӢ. Андеша ва пешниҳодҳои коршинос вобаста ба ин мавзуъ

 Вазъи кунунии ҷаҳони имрӯз ба раванди иқтисодиёти ҷаҳон таъсири худро бевосита мерасонад, ки рӯз то рӯз ба бархӯрдҳои геосиёсӣ, низоъҳои тиҷоратӣ ва...

Корҳои сохтмонӣ дар қитъаи роҳи Қалъаихумб-Ванҷ то даромадгоҳи Рӯшон бо суръат идома дорад

Бо супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон аз моҳи сентябри соли 2022 корҳои таҷдиду навсозии роҳи мошингарди...

Дар вилояти Суғд дар майдони зиёда аз 152,6 гектар кишти зироати баҳорӣ гузаронида шуд

Дар вилояти Суғд нақшаи кишти зироати баҳорӣ 174 735 гектарро ташкил дода, то имрӯз дар майдони 152 645 гектар зироат кишт  шудааст....

Президенти Ҷумҳурии Тоҷикистон Эмомалӣ Раҳмон дар шаҳри Москва аз Паради низомӣ бахшида ба 78-умин солгарди Рӯзи Ғалаба боздид намуданд

 9 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз чорабиниҳои тантанавӣ бахшида ба ҷашни 78-солагии...