Тавре қаблан хабар додем, 24 ноябр гурӯҳи соҳибкорон аз вилояти Красноярски Федератсияи Русия ба вилояти Суғд омада, давоми чаҳор рӯз бо фаъолияти корхонаҳои саноатии шаҳрҳои Хуҷанд, Конибодом, Исфара ва ноҳияи Бобоҷон Ғафуров шинос гардиданд. Дар доираи сафар соҳибкорони вилояти Красноярск бо соҳибкорони вилояти Суғд мулоқот намуда, барои таҳкими робитаҳо ва афзун намудани додугирифти молу маҳсулот якчанд созишномаҳои ҳамкориро имзо карданд, иттилоъ доданд аз мақомоти иҷроияи ҳокимияти давлатии вилояти Суғд .
Тибқи иттилои масъулини Палатаи савдо ва саноати вилояти Суғд, пас аз мулоқоту гуфтушунидҳо миёни ширкатҳои «Энки» ва «Зардолу ва компания», «Отелторг» ва «Қолинҳои Гулистон», «Отелторг» ва «Ҷавонӣ», «Отелторг» ва «Нассоҷи Хуҷанд», «Отелторг» ва «САТН», «Крас Хемп» ва «Баракат Исфара», «Крас Хемп» ва «Комбинати консервабарории Исфара», «Крас Хемп» ва «Субҳи Ватан», «Крас Хемп» ва «Фортуна ва Ко», Ширкати молиявии «Аксиома» ва Раёсати сармоягузорӣ ва идораи амволи давлатии вилояти Суғд созишномаҳои ҳамкорӣ ба имзо расиданд, ки минбаъд ҷонибҳо дар асоси онҳо ба ҳамкорӣ тақвият мебахшанд.
АКС: МИҲД-и вилояти Суғд