6.2 C
Tajikistan
Thursday, June 30, 2022

Хуршед Каримзода ва Ғода Волӣ таҳкими ҳамкории мақомоти гумруки Тоҷикистон бо UNODC-ро баррасӣ намуданд

Масъалаҳои мубрами тавсеаи ҳамкорӣ миёни мақомоти гумруки Тоҷикистон ва Дафтари Созмони Милали Муттаҳид /СММ/ оид ба маводи мухаддир ва ҷинояткорӣ (UNODC) имрӯз дар мулоқоти cардори Хадамоти гумруки назди Ҳукумати Ҷумҳурии Тоҷикистон Хуршед Каримзода  бо муовини Дабири кулли СММ, мудири иҷроияи Дафтари СММ оид ба маводи мухаддир ва ҷинояткорӣ (UNODC)  Ғода Волӣ дар Душанбе баррасӣ шуданд.

Дар мулоқот мусоҳибон масъалаҳои марбут ба ҳамкории тарафайнро дар чаҳорчӯби барномаву лоиҳаҳои созмони мазкур дар самти пешгирӣ ва мубориза бо гардиши ғайриқонунии маводи мухаддиру ҷинояткорӣ муҳокима намуданд. Хуршед Каримзода бо изҳори қаноатмандӣ аз сатҳи ҳамкории мақомоти гумрук бо UNODC дар мубориза бо таҳдиду хатарҳои амниятӣ, аз ҷумла оид ба «Барномаи ҷаҳонии UNODC ва Созмони ҷаҳонии гумрук /СҶГ/ оид ба назорати ҳамлу нақли контейнерҳо» ва муомилоти ғайриқонунии маводи мухаддир сухан намуд.

Сардори Хадамоти гумруки Тоҷикистон афзуд, ки бо талошҳои муштарак мо метавонем ба рушди босуръати ҳамкории мутақобилан судманд такони нав бахшем, ки он ба густариши самтҳои нави муносибатҳои дуҷониба  муосидат менамояд. Ҳамчунин Барномаи нави Раёсати СММ оид ба маводи мухаддир ва ҷинояткорӣ барои кишварҳои Осиёи Марказӣ (солҳои 2022-2025) бо дарназардошти воқеияти кунунӣ ба андешидан ва роҳандозии тадбирҳои ҳамоҳангшудаи муассир ҷиҳати пешгирӣ ва муқовимат ба таҳдидҳои муосир равона хоҳад шуд.

Сипас аз ҷониби сардори Хадамоти гумрук  Хуршед Каримзода ва Ашита Миттал, Намояндаи минтақавии Раёсати СММ оид ба маводи мухаддир ва ҷинояткорӣ (UNODC) дар Осиёи Марказӣ санад оид ба супоридани таҷҳизот ба имзо расонида шуд. Мавриди  зикр аст, ки давлатҳои ширкаткунандаи «Барномаи ҷаҳонии UNODC ва СҶГ оид ба назорати ҳамлу нақли контейнерҳо» ҷумҳуриҳои Қазоқистон, Қирғизистон, Озарбойҷон, Туркманистон, Узбекистон, Гурҷистон, Украина, Афғонистон  ва Покистон ба ҳисоб рафта,  Ҷумҳурии Тоҷикистон ба Барномаи мазкур 18 марти соли 2014 ҳамроҳ шуд.

Соли 2014 Хадамоти гумрук барои шомил намудан ба Барномаи мазкур ду воҳиди сохторӣ — гумруки  «Панҷи Поён» ва дидбонгоҳи гумрукии «Душанбе-2»-ро пешниҳод намуда буд. Соли 2017 ба ин Барнома гурӯҳҳои назорати бандарӣ аз ҳисоби кормандони раёсатҳои минтақавии гумрукӣ дар вилояти Суғду Бадахшон шомил гардиданд.

Дар давраи татбиқи Барнома утоқҳои кории аъзои гурӯҳҳои назорати бандарии дидбонгоҳи гумрукии  «Душанбе-2», дастгоҳҳои марказии раёсатҳои минтақавии гумрукӣ дар вилояти Суғду Бадахшон пурра таъмир гардиданд. Аъзои гурӯҳи назорати бандарӣ мунтазам дар омӯзишу машғулияти назариявию амалӣ дар мавзӯъҳои «Спетсификатсияи контейнерҳои E-BIC», «Тарзҳои назорати контейнерҳо», «Истифодаи Container Comm ҳамчун манбаи маълумот», «Профили таваккал ва муайян намудани контейнерҳои таваккал», «Усулҳои ғайриқонунии марбут ба муҳрҳо, топаҳо, техника ва тадбирҳои ошкоркунӣ», «Ҳимояи ҳуқуқи моликияти зеҳнӣ», «Конвенсияи оид ба савдои байналмилалии намудҳои ҳайвоноти ваҳшӣ ва набототи ёбоии зери хатари нобудшавӣ қарордошта (CITES,)» ва ғайраҳо, ки аз ҷониби барнома бо ҷалби мутахассисони СҶГ баргузор гардид, иштирок намуданд.

АКС: Хадамоти гумруки назди Ҳукумати ҶТ

Latest news

ТАВАҶҶУҲ! Дар Тоҷикистон ҳавои боронии 17-21 июн метавонад хатари омадани селро зиёд кунад

Тибқи маълумоти Агентии обуҳавошиносии мамлакат, аз 17 то 21 июни соли равон дар як қатор ноҳияҳои кӯҳӣ ва назикӯҳии ҷумҳурӣ,  ба истиснои...

Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид

 Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз,17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт. Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор...

Иқтидори сайёҳии Тоҷикистон дар Фестивали 10-уми байналмиллалии фарҳангӣ дар шаҳри Боку муаррифӣ шуд

17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар...

Бонки миллии Тоҷикистон ҳамкориро бо Хазинаи байналмилалии асъор тақвият мебахшад

Масъалаҳои таҳкими равобити дуҷониба байни Бонки миллии Тоҷикистон (БМТ) ва Хазинаи байналмилалии асъор (ХБА) дар мулоқоти Раиси Бонки миллӣ Ҳоким Холиқзода бо...

Related news

ТАВАҶҶУҲ! Дар Тоҷикистон ҳавои боронии 17-21 июн метавонад хатари омадани селро зиёд кунад

Тибқи маълумоти Агентии обуҳавошиносии мамлакат, аз 17 то 21 июни соли равон дар як қатор ноҳияҳои кӯҳӣ ва назикӯҳии ҷумҳурӣ,  ба истиснои...

Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид

 Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз,17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт. Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор...

Иқтидори сайёҳии Тоҷикистон дар Фестивали 10-уми байналмиллалии фарҳангӣ дар шаҳри Боку муаррифӣ шуд

17 июн Сафорати Ҷумҳурии Тоҷикистон дар шаҳри Боку дар Фестивали 10-уми байналмилалӣ оид ба рӯнамоии таъриху фарҳанги кишварҳои хориҷӣ иштирок намуд. Дар...

Бонки миллии Тоҷикистон ҳамкориро бо Хазинаи байналмилалии асъор тақвият мебахшад

Масъалаҳои таҳкими равобити дуҷониба байни Бонки миллии Тоҷикистон (БМТ) ва Хазинаи байналмилалии асъор (ХБА) дар мулоқоти Раиси Бонки миллӣ Ҳоким Холиқзода бо...