Бо талошҳои пайвастаи Ҳукумат вазъи бемории сироятии COVID-19 дар Тоҷикистон муътадил аст. Дар ин бора 24 ноябр зимни мулоқот бо Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода намояндаи доимии Барномаи рушди Созмони Милали Муттаҳид (БРСММ) дар Тоҷикистон Пратибҳа Меҳта иброз дошт.
Ҷамолиддин Абдуллозода иброз дошт, ки Вазорати тандурустӣ ва ҳифзи иҷтимоии аҳолӣ бо ҳидоят ва дастгириҳои пайвастаи Пешвои миллат муҳтарам Эмомалӣ Раҳмон барои муқовимат ва аз байн бурдани пандемияи COVID-19 тамоми имконияту иқтидорро сафарбар намуд, ки дар натиҷа вазъи эпидемиологии кишвар муътадил гардид.
«Саҳми Барномаи рушди Созмони Милали Муттаҳид дар Тоҷикистон дар ин давра муҳим арзёбӣ карда мешавад. Барои дастгирии таъсиси Маркази коммуникатсионӣ ба Шумо бори дигар миннатдорӣ иброз менамоям, чунки ин марказ барои дар сатҳи зарурӣ ба роҳ мондани фаъолияти мунтазами вазорат бо муассисаҳои зертобеъ хело мусоидат намуд»,- зикр кард Ҷамолиддин Абдуллозода.
Дар идомаи мулоқот ҷонибҳо баҳри тақвият бахшидани ҳамкории мутақобилан судманд ҳавасмандии хешро иброз намуданд.
АКС: Вазорати тандурустӣ ва ҳифзи иҷтимоии аҳолии ҶТ