Ҳайати 60-нафараи доираҳои тиҷоратию сармоягузории Ҷумҳурии Корея, ки дар соҳаҳои саноати мошинсозӣ, бофандагӣ, нассоҷӣ, тандурустӣ, сайёҳӣ, технологияҳои иттилоотӣ- коммуникатсионӣ ва хизматрасонӣ фаъолият доранд, ҷиҳати иштирок дар Форуми сармоягузории Ҷумҳурии Тоҷикистон ва Ҷумҳурии Корея 22 ноябр ба Душанбе омад.
Ҳадафи форум шиносоии сармоягузорони кореягӣ бо фазои сармоягузорию имконияти Ҷумҳурии Тоҷикистон ва ҳамчунин роҳандозии робитаҳо миёни доираҳои тиҷоратии ду кишвар мебошад. Дар форум намояндагони соҳаҳои саноат, технологияи иттилотӣ-коммуникатсионӣ, сайёҳӣ, тиб ва хизматрасонии Ҷумҳурии Корея иштирок менамоянд.
Интизор меравад, ки Форум ба платформаи баррасии самтҳои афзалиятнок ва воситаҳои рушди Тоҷикистону Корея табдил ёфта, дар доираи он санадҳои ҳамкорӣ миёни ширкату корхонаҳои саноатии Тоҷикистону Корея имзо шаванд.
Ҳайати доираҳои сармоягузории Корея дар доираи иштирок дар Форуми сармоягузории Тоҷикистон ва Корея ҳамзамон аз корхонаҳои истеҳсолию саноатии шаҳрҳои Душанбе, Бохтар, Хуҷанд ва Турсунзода боздид менамоянд.
АКС: Кумитаи давлатии сармоягузорӣ ва идораи амволи давлатии ҶТ