-8.7 C
Tajikistan
Tuesday, November 30, 2021

Ютта Урпилайнен: Иттиҳоди Аврупо барои мардуми Афғонистон ва кишварҳои ҳамсоя 1 миллиард евро ҷудо мекунад

 Иттиҳоди Аврупо (ИА) барои мардуми Афғонистон ва кишварҳои ҳамсоя, аз ҷумла Тоҷикистон дар доираи бастаи дастгирӣ 1 миллиард евро ҷудо мекунад. Дар ин бора дирӯз дар Душанбе зимни изҳороти матбуотӣ пас аз музокирот бо Вазири корҳои хориҷии Тоҷикистон Сироҷиддин Муҳриддин Комиссари Иттиҳоди Аврупо оид ба ҳамкории байналмилалӣ Ютта Урпилайнен роҷеъ ба Афғонистон изҳор дошт.

«Мо як бастаи дастгириро таҳия карда истодаем, ки 1 миллиард евроро барои мардуми Афғонистон ва кишварҳои ҳамсоя ташкил медиҳад ва ин баста аз чанд ҷузъ иборат хоҳад буд», — гуфт ӯ ба ҷамъи хабарнигорон.

Ба таъкиди номбурда, ҷузъи якум фарогири кумаки башардӯстонаест, ки 300 миллион евроро ташкил медиҳад, ҷузъи дуюм муносибати башардӯстона плюс мебошад,  ки бевосита ба эҳтиёҷоти асосӣ ва воситаҳои зиндагии мардум дар Афғонистон бидуни эътироф ё қонунияти Толибон ё ҷалби сохторҳои ҳукуматӣ расидагӣ мекунад. Ҷузъи сеюм дастгирии минтақаро пешбинӣ мекунад.

Вобаста ба ҳамкории дуҷониба Ютта Урпилайнен эълон дошт, ки ба Тоҷикистон барои 4 соли оянда дар самти рушди ҳамкорӣ ё худ шарикии дуҷониба 91 миллион евро ҷудо хоҳад шуд.

«Ин маблағ бо маблағҳо барои давраи солҳои 2025-2027 пас аз тафсири миёнамуҳлат тақрибан соли 2024 ҷиҳати дастрасӣ ба пешрафт пурра карда мешавад», — зикр намуд Комиссари Иттиҳоди Аврупо оид ба ҳамкории байналмилалӣ.

Дар идома ӯ ҳамкории дуҷониба бо ҳукумат, ҷомеаи шаҳрвандӣ, бахши хусусӣ ва дигар шариконро ёдовар гардида, гуфт, ки якҷо машваратҳои зиёд анҷом дода шудаанд.

«Мо якҷоя се самти афзалиятнокро муайян кардем, ки дар давоми солҳои оянда асосан ба онҳо тамаркуз хоҳем кард, ки инҳо иқтисоди сабз ва рақамии фарогир; рушди инсон; захираҳои табиӣ, идора, самаранокӣ ва устуворӣ мебошанд», — такъид кард Ютта Урпилайнен.

Бо дахли барномаи минтақавӣ барои Осиёи Марказӣ ӯ тазаккур дод, ки илова бар ин, Тоҷикистон метавонад аз ин барнома низ судманд бошад.

«Мо барои Осиёи Марказӣ ду афзалият дорем, ки асосан ба онҳо сармоягузорӣ мекунем. Инҳо аввалан устуворӣ, фарогирии об, энергия, ҳуқуқи инсон, занон ва тавонмандӣ, волоияти қонун, ҷомеаи шаҳрвандӣ, сулҳу субот ва сониян шукуфоӣ, пайвасти рақамии ҳукумат, соҳибкорӣ, тиҷорати минтақавӣ ва рушди инсон мебошанд», — гуфт дар фарҷом Комиссари Иттиҳоди Аврупо оид ба ҳамкории байналмилалӣ.

Ёдовар мешавем, ки ноиби Президенти Комиссияи Аврупо, Намояндаи олии Иттиҳоди Аврупо оид ба сиёсати хориҷӣ ва амният Ҷозеп Боррелл ва Комиссари Иттиҳоди Аврупо оид ба ҳамкории байналмилалӣ  Ютта Урпилайнен барои иштирок дар ҷаласаи 17-уми вазирони корҳои хориҷии кишварҳои Осиёи Марказӣ ва Иттиҳоди Аврупо, ки 22 ноябр дар шаҳри Душанбе баргузор гардид, ба Тоҷикистон омаданд.

Latest news

Дар Маҷлиси намояндагон оид ба таҳияи лоиҳаи Кодекси иттилоот ҳамоиш доир шуд

Имрӯз бо ташаббуси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот дар мавзӯи «Ташаббус оид ба таҳияи лоиҳаи Кодекси...

Хуршед Каримзода ва Ғода Волӣ таҳкими ҳамкории мақомоти гумруки Тоҷикистон бо UNODC-ро баррасӣ намуданд

Масъалаҳои мубрами тавсеаи ҳамкорӣ миёни мақомоти гумруки Тоҷикистон ва Дафтари Созмони Милали Муттаҳид /СММ/ оид ба маводи мухаддир ва ҷинояткорӣ (UNODC) имрӯз...

Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд

 30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети...

Муовини якуми Раиси Маҷлиси миллии Маҷлиси Олии Тоҷикистон бо муовини Раиси Шӯрои Федератсияи Маҷлиси Федералии Русия мулоқот намуд

Бо дастури Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ имрӯз дар бинои Маҷлиси миллии Маҷлиси Олии Ҷумҳурии Тоҷикистон мулоқоти...

Related news

Дар Маҷлиси намояндагон оид ба таҳияи лоиҳаи Кодекси иттилоот ҳамоиш доир шуд

Имрӯз бо ташаббуси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот дар мавзӯи «Ташаббус оид ба таҳияи лоиҳаи Кодекси...

Хуршед Каримзода ва Ғода Волӣ таҳкими ҳамкории мақомоти гумруки Тоҷикистон бо UNODC-ро баррасӣ намуданд

Масъалаҳои мубрами тавсеаи ҳамкорӣ миёни мақомоти гумруки Тоҷикистон ва Дафтари Созмони Милали Муттаҳид /СММ/ оид ба маводи мухаддир ва ҷинояткорӣ (UNODC) имрӯз...

Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд

 30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети...

Муовини якуми Раиси Маҷлиси миллии Маҷлиси Олии Тоҷикистон бо муовини Раиси Шӯрои Федератсияи Маҷлиси Федералии Русия мулоқот намуд

Бо дастури Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ имрӯз дар бинои Маҷлиси миллии Маҷлиси Олии Ҷумҳурии Тоҷикистон мулоқоти...